శ్రీ దుర్గా సహస్ర నామ స్తోత్రం
॥ అథ శ్రీ దుర్గా సహస్రనామస్తోత్రమ్ ॥
నారద ఉవాచ -
కుమార గుణగంభీర దేవసేనాపతే ప్రభో ।
సర్వాభీష్టప్రదం పుంసాం సర్వపాపప్రణాశనమ్ ॥ 1॥
గుహ్యాద్గుహ్యతరం స్తోత్రం భక్తివర్ధకమంజసా ।
మంగలం గ్రహపీడాదిశాంతిదం వక్తుమర్హసి ॥ 2॥
స్కంద ఉవాచ -
శృణు నారద దేవర్షే లోకానుగ్రహకామ్యయా ।
యత్పృచ్ఛసి పరం పుణ్యం తత్తే వక్ష్యామి కౌతుకాత్ ॥ 3॥
మాతా మే లోకజననీ హిమవన్నగసత్తమాత్ ।
మేనాయాం బ్రహ్మవాదిన్యాం ప్రాదుర్భూతా హరప్రియా ॥ 4॥
మహతా తపసాఽఽరాధ్య శంకరం లోకశంకరమ్ ।
స్వమేవ వల్లభం భేజే కలేవ హి కలానిధిమ్ ॥ 5॥
నగానామధిరాజస్తు హిమవాన్ విరహాతురః ।
స్వసుతాయాః పరిక్షీణే వసిష్ఠేన ప్రబోధితః ॥ 6॥
త్రిలోకజననీ సేయం ప్రసన్నా త్వయి పుణ్యతః ।
ప్రాదుర్భూతా సుతాత్వేన తద్వియోగం శుభం త్యజ ॥ 7॥
బహురూపా చ దుర్గేయం బహునామ్నీ సనాతనీ ।
సనాతనస్య జాయా సా పుత్రీమోహం త్యజాధునా ॥ 8॥
ఇతి ప్రబోధితః శైలః తాం తుష్టావ పరాం శివామ్ ।
తదా ప్రసన్నా సా దుర్గా పితరం ప్రాహ నందినీ ॥ 9॥
మత్ప్రసాదాత్పరం స్తోత్రం హృదయే ప్రతిభాసతామ్ ।
తేన నామ్నాం సహస్రేణ పూజయన్ కామమాప్నుహి ॥ 10॥
ఇత్యుక్త్వాంతర్హితాయాం తు హృదయే స్ఫురితం తదా ।
నామ్నాం సహస్రం దుర్గాయాః పృచ్ఛతే మే యదుక్తవాన్ ॥ 11॥
మంగలానాం మంగలం తద్ దుర్గానామ సహస్రకమ్ ।
సర్వాభీష్టప్రదాం పుంసాం బ్రవీమ్యఖిలకామదమ్ ॥ 12॥
దుర్గాదేవీ సమాఖ్యాతా హిమవానృషిరుచ్యతే ।
ఛందోనుష్టుప్ జపో దేవ్యాః ప్రీతయే క్రియతే సదా ॥ 13॥
అస్య శ్రీదుర్గాస్తోత్రమహామంత్రస్య । హిమవాన్ ఋషిః । అనుష్టుప్ ఛందః ।
దుర్గాభగవతీ దేవతా । శ్రీదుర్గాప్రసాదసిద్ధ్యర్థే జపే వినియోగః । ।
శ్రీభగవత్యై దుర్గాయై నమః ।
దేవీధ్యానం
ఓం హ్రీం కాలాభ్రాభాం కటాక్షైరరికులభయదాం మౌలిబద్ధేందురేఖాం
శంఖం చక్రం కృపాణం త్రిశిఖమపి కరైరుద్వహంతీం త్రినేత్రామ్ ।
సింహస్కంధాధిరూఢాం త్రిభువనమఖిలం తేజసా పూరయంతీం
ధ్యాయేద్ దుర్గాం జయాఖ్యాం త్రిదశపరివృతాం సేవితాం సిద్ధికామైః ॥
శ్రీ జయదుర్గాయై నమః ।
ఓం శివాథోమా రమా శక్తిరనంతా నిష్కలాఽమలా ।
శాంతా మాహేశ్వరీ నిత్యా శాశ్వతా పరమా క్షమా ॥ 1॥
అచింత్యా కేవలానంతా శివాత్మా పరమాత్మికా ।
అనాదిరవ్యయా శుద్ధా సర్వజ్ఞా సర్వగాఽచలా ॥ 2॥
ఏకానేకవిభాగస్థా మాయాతీతా సునిర్మలా ।
మహామాహేశ్వరీ సత్యా మహాదేవీ నిరంజనా ॥ 3॥
కాష్ఠా సర్వాంతరస్థాఽపి చిచ్ఛక్తిశ్చాత్రిలాలితా ।
సర్వా సర్వాత్మికా విశ్వా జ్యోతీరూపాక్షరామృతా ॥ 4॥
శాంతా ప్రతిష్ఠా సర్వేశా నివృత్తిరమృతప్రదా ।
వ్యోమమూర్తిర్వ్యోమసంస్థా వ్యోమధారాఽచ్యుతాఽతులా ॥ 5॥
అనాదినిధనాఽమోఘా కారణాత్మకలాకులా ।
ఋతుప్రథమజాఽనాభిరమృతాత్మసమాశ్రయా ॥ 6॥
ప్రాణేశ్వరప్రియా నమ్యా మహామహిషఘాతినీ ।
ప్రాణేశ్వరీ ప్రాణరూపా ప్రధానపురుషేశ్వరీ ॥ 7॥
సర్వశక్తికలాఽకామా మహిషేష్టవినాశినీ ।
సర్వకార్యనియంత్రీ చ సర్వభూతేశ్వరేశ్వరీ ॥ 8॥
అంగదాదిధరా చైవ తథా ముకుటధారిణీ ।
సనాతనీ మహానందాఽఽకాశయోనిస్తథేచ్యతే ॥ 9॥
చిత్ప్రకాశస్వరూపా చ మహాయోగేశ్వరేశ్వరీ ।
మహామాయా సదుష్పారా మూలప్రకృతిరీశికా ॥ 10॥
సంసారయోనిః సకలా సర్వశక్తిసముద్భవా ।
సంసారపారా దుర్వారా దుర్నిరీక్షా దురాసదా ॥ 11॥
ప్రాణశక్తిశ్చ సేవ్యా చ యోగినీ పరమాకలా ।
మహావిభూతిర్దుర్దర్శా మూలప్రకృతిసంభవా ॥ 12॥
అనాద్యనంతవిభవా పరార్థా పురుషారణిః ।
సర్గస్థిత్యంతకృచ్చైవ సుదుర్వాచ్యా దురత్యయా ॥ 13॥
శబ్దగమ్యా శబ్దమాయా శబ్దాఖ్యానందవిగ్రహా ।
ప్రధానపురుషాతీతా ప్రధానపురుషాత్మికా ॥ 14॥
పురాణీ చిన్మయా పుంసామిష్టదా పుష్టిరూపిణీ ।
పూతాంతరస్థా కూటస్థా మహాపురుషసంజ్ఞితా ॥ 15॥
జన్మమృత్యుజరాతీతా సర్వశక్తిస్వరూపిణీ ।
వాంఛాప్రదాఽనవచ్ఛిన్నప్రధానానుప్రవేశినీ ॥ 16॥
క్షేత్రజ్ఞాఽచింత్యశక్తిస్తు ప్రోచ్యతేఽవ్యక్తలక్షణా ।
మలాపవర్జితాఽఽనాదిమాయా త్రితయతత్త్వికా ॥ 17॥
ప్రీతిశ్చ ప్రకృతిశ్చైవ గుహావాసా తథోచ్యతే ।
మహామాయా నగోత్పన్నా తామసీ చ ధ్రువా తథా ॥ 18॥
వ్యక్తాఽవ్యక్తాత్మికా కృష్ణా రక్తా శుక్లా హ్యకారణా ।
ప్రోచ్యతే కార్యజననీ నిత్యప్రసవధర్మిణీ ॥ 19॥
సర్గప్రలయముక్తా చ సృష్టిస్థిత్యంతధర్మిణీ ।
బ్రహ్మగర్భా చతుర్వింశస్వరూపా పద్మవాసినీ ॥ 20॥
అచ్యుతాహ్లాదికా విద్యుద్బ్రహ్మయోనిర్మహాలయా ।
మహాలక్ష్మీ సముద్భావభావితాత్మామహేశ్వరీ ॥ 21॥
మహావిమానమధ్యస్థా మహానిద్రా సకౌతుకా ।
సర్వార్థధారిణీ సూక్ష్మా హ్యవిద్ధా పరమార్థదా ॥ 22॥
అనంతరూపాఽనంతార్థా తథా పురుషమోహినీ ।
అనేకానేకహస్తా చ కాలత్రయవివర్జితా ॥ 23॥
బ్రహ్మజన్మా హరప్రీతా మతిర్బ్రహ్మశివాత్మికా ।
బ్రహ్మేశవిష్ణుసంపూజ్యా బ్రహ్మాఖ్యా బ్రహ్మసంజ్ఞితా ॥ 24॥
వ్యక్తా ప్రథమజా బ్రాహ్మీ మహారాత్రీః ప్రకీర్తితా ।
జ్ఞానస్వరూపా వైరాగ్యరూపా హ్యైశ్వర్యరూపిణీ ॥ 25॥
ధర్మాత్మికా బ్రహ్మమూర్తిః ప్రతిశ్రుతపుమర్థికా ।
అపాంయోనిః స్వయంభూతా మానసీ తత్త్వసంభవా ॥ 26॥
ఈశ్వరస్య ప్రియా ప్రోక్తా శంకరార్ధశరీరిణీ ।
భవానీ చైవ రుద్రాణీ మహాలక్ష్మీస్తథాఽంబికా ॥ 27॥
మహేశ్వరసముత్పన్నా భుక్తిముక్తి ప్రదాయినీ ।
సర్వేశ్వరీ సర్వవంద్యా నిత్యముక్తా సుమానసా ॥ 28॥
మహేంద్రోపేంద్రనమితా శాంకరీశానువర్తినీ ।
ఈశ్వరార్ధాసనగతా మాహేశ్వరపతివ్రతా ॥ 29॥
సంసారశోషిణీ చైవ పార్వతీ హిమవత్సుతా ।
పరమానందదాత్రీ చ గుణాగ్ర్యా యోగదా తథా ॥ 30॥
జ్ఞానమూర్తిశ్చ సావిత్రీ లక్ష్మీః శ్రీః కమలా తథా ।
అనంతగుణగంభీరా హ్యురోనీలమణిప్రభా ॥ 31॥
సరోజనిలయా గంగా యోగిధ్యేయాఽసురార్దినీ ।
సరస్వతీ సర్వవిద్యా జగజ్జ్యేష్ఠా సుమంగలా ॥ 32॥
వాగ్దేవీ వరదా వర్యా కీర్తిః సర్వార్థసాధికా ।
వాగీశ్వరీ బ్రహ్మవిద్యా మహావిద్యా సుశోభనా ॥ 33॥
గ్రాహ్యవిద్యా వేదవిద్యా ధర్మవిద్యాఽఽత్మభావితా ।
స్వాహా విశ్వంభరా సిద్ధిః సాధ్యా మేధా ధృతిః కృతిః ॥ 34॥
సునీతిః సంకృతిశ్చైవ కీర్తితా నరవాహినీ ।
పూజావిభావినీ సౌమ్యా భోగ్యభాగ్ భోగదాయినీ ॥ 35॥
శోభావతీ శాంకరీ చ లోలా మాలావిభూషితా ।
పరమేష్ఠిప్రియా చైవ త్రిలోకీసుందరీ మాతా ॥ 36॥
నందా సంధ్యా కామధాత్రీ మహాదేవీ సుసాత్త్వికా ।
మహామహిషదర్పఘ్నీ పద్మమాలాఽఘహారిణీ ॥ 37॥
విచిత్రముకుటా రామా కామదాతా ప్రకీర్తితా ।
పితాంబరధరా దివ్యవిభూషణ విభూషితా ॥ 38॥
దివ్యాఖ్యా సోమవదనా జగత్సంసృష్టివర్జితా ।
నిర్యంత్రా యంత్రవాహస్థా నందినీ రుద్రకాలికా ॥ 39॥
ఆదిత్యవర్ణా కౌమారీ మయూరవరవాహినీ ।
పద్మాసనగతా గౌరీ మహాకాలీ సురార్చితా ॥ 40॥
అదితిర్నియతా రౌద్రీ పద్మగర్భా వివాహనా ।
విరూపాక్షా కేశివాహా గుహాపురనివాసినీ ॥ 41॥
మహాఫలాఽనవద్యాంగీ కామరూపా సరిద్వరా ।
భాస్వద్రూపా ముక్తిదాత్రీ ప్రణతక్లేశభంజనా ॥ 42॥
కౌశికీ గోమినీ రాత్రిస్త్రిదశారివినాశినీ ।
బహురూపా సురూపా చ విరూపా రూపవర్జితా ॥ 43॥
భక్తార్తిశమనా భవ్యా భవభావవినాశినీ ।
సర్వజ్ఞానపరీతాంగీ సర్వాసురవిమర్దికా ॥ 44॥
పికస్వనీ సామగీతా భవాంకనిలయా ప్రియా ।
దీక్షా విద్యాధరీ దీప్తా మహేంద్రాహితపాతినీ ॥ 45॥
సర్వదేవమయా దక్షా సముద్రాంతరవాసినీ ।
అకలంకా నిరాధారా నిత్యసిద్ధా నిరామయా ॥ 46॥
కామధేనుబృహద్గర్భా ధీమతీ మౌననాశినీ ।
నిఃసంకల్పా నిరాతంకా వినయా వినయప్రదా ॥ 47॥
జ్వాలామాలా సహస్రాఢ్యా దేవదేవీ మనోమయా ।
సుభగా సువిశుద్ధా చ వసుదేవసముద్భవా ॥ 48॥
మహేంద్రోపేంద్రభగినీ భక్తిగమ్యా పరావరా ।
జ్ఞానజ్ఞేయా పరాతీతా వేదాంతవిషయా మతిః ॥ 49॥
దక్షిణా దాహికా దహ్యా సర్వభూతహృదిస్థితా ।
యోగమాయా విభాగజ్ఞా మహామోహా గరీయసీ ॥ 50॥
సంధ్యా సర్వసముద్భూతా బ్రహ్మవృక్షాశ్రియాదితిః ।
బీజాంకురసముద్భూతా మహాశక్తిర్మహామతిః ॥ 51॥
ఖ్యాతిః ప్రజ్ఞావతీ సంజ్ఞా మహాభోగీంద్రశాయినీ ।
హీంకృతిః శంకరీ శాంతిర్గంధర్వగణసేవితా ॥ 52॥
వైశ్వానరీ మహాశూలా దేవసేనా భవప్రియా ।
మహారాత్రీ పరానందా శచీ దుఃస్వప్ననాశినీ ॥ 53॥
ఈడ్యా జయా జగద్ధాత్రీ దుర్విజ్ఞేయా సురూపిణీ ।
గుహాంబికా గణోత్పన్నా మహాపీఠా మరుత్సుతా ॥ 54॥
హవ్యవాహా భవానందా జగద్యోనిః ప్రకీర్తితా ।
జగన్మాతా జగన్మృత్యుర్జరాతీతా చ బుద్ధిదా ॥ 55॥
సిద్ధిదాత్రీ రత్నగర్భా రత్నగర్భాశ్రయా పరా ।
దైత్యహంత్రీ స్వేష్టదాత్రీ మంగలైకసువిగ్రహా ॥ 56॥
పురుషాంతర్గతా చైవ సమాధిస్థా తపస్వినీ ।
దివిస్థితా త్రిణేత్రా చ సర్వేంద్రియమనాధృతిః ॥ 57॥
సర్వభూతహృదిస్థా చ తథా సంసారతారిణీ ।
వేద్యా బ్రహ్మవివేద్యా చ మహాలీలా ప్రకీర్తితా ॥ 58॥
బ్రాహ్మణిబృహతీ బ్రాహ్మీ బ్రహ్మభూతాఽఘహారిణీ ।
హిరణ్మయీ మహాదాత్రీ సంసారపరివర్తికా ॥ 59॥
సుమాలినీ సురూపా చ భాస్వినీ ధారిణీ తథా ।
ఉన్మూలినీ సర్వసభా సర్వప్రత్యయసాక్షిణీ ॥ 60॥
సుసౌమ్యా చంద్రవదనా తాండవాసక్తమానసా ।
సత్త్వశుద్ధికరీ శుద్ధా మలత్రయవినాశినీ ॥ 61॥
జగత్త్త్రయీ జగన్మూర్తిస్త్రిమూర్తిరమృతాశ్రయా ।
విమానస్థా విశోకా చ శోకనాశిన్యనాహతా ॥ 62॥
హేమకుండలినీ కాలీ పద్మవాసా సనాతనీ ।
సదాకీర్తిః సర్వభూతశయా దేవీ సతాంప్రియా ॥ 63॥
బ్రహ్మమూర్తికలా చైవ కృత్తికా కంజమాలినీ ।
వ్యోమకేశా క్రియాశక్తిరిచ్ఛాశక్తిః పరాగతిః ॥ 64॥
క్షోభికా ఖండికాభేద్యా భేదాభేదవివర్జితా ।
అభిన్నా భిన్నసంస్థానా వశినీ వంశధారిణీ ॥ 65॥
గుహ్యశక్తిర్గుహ్యతత్త్వా సర్వదా సర్వతోముఖీ ।
భగినీ చ నిరాధారా నిరాహారా ప్రకీర్తితా ॥ 66॥
నిరంకుశపదోద్భూతా చక్రహస్తా విశోధికా ।
స్రగ్విణీ పద్మసంభేదకారిణీ పరికీర్తితా ॥ 67॥
పరావరవిధానజ్ఞా మహాపురుషపూర్వజా ।
పరావరజ్ఞా విద్యా చ విద్యుజ్జిహ్వా జితాశ్రయా ॥ 68॥
విద్యామయీ సహస్రాక్షీ సహస్రవదనాత్మజా ।
సహస్రరశ్మిఃసత్వస్థా మహేశ్వరపదాశ్రయా ॥ 69॥
జ్వాలినీ సన్మయా వ్యాప్తా చిన్మయా పద్మభేదికా ।
మహాశ్రయా మహామంత్రా మహాదేవమనోరమా ॥ 70॥
వ్యోమలక్ష్మీః సింహరథా చేకితానాఽమితప్రభా ।
విశ్వేశ్వరీ భగవతీ సకలా కాలహారిణీ ॥ 71॥
సర్వవేద్యా సర్వభద్రా గుహ్యా దూఢా గుహారణీ ।
ప్రలయా యోగధాత్రీ చ గంగా విశ్వేశ్వరీ తథా ॥ 72॥
కామదా కనకా కాంతా కంజగర్భప్రభా తథా ।
పుణ్యదా కాలకేశా చ భోక్త్త్రీ పుష్కరిణీ తథా ॥ 73॥
సురేశ్వరీ భూతిదాత్రీ భూతిభూషా ప్రకీర్తితా ।
పంచబ్రహ్మసముత్పన్నా పరమార్థాఽర్థవిగ్రహా ॥ 74॥
వర్ణోదయా భానుమూర్తిర్వాగ్విజ్ఞేయా మనోజవా ।
మనోహరా మహోరస్కా తామసీ వేదరూపిణీ ॥ 75॥
వేదశక్తిర్వేదమాతా వేదవిద్యాప్రకాశినీ ।
యోగేశ్వరేశ్వరీ మాయా మహాశక్తిర్మహామయీ ॥ 76॥
విశ్వాంతఃస్థా వియన్మూర్తిర్భార్గవీ సురసుందరీ ।
సురభిర్నందినీ విద్యా నందగోపతనూద్భవా ॥ 77॥
భారతీ పరమానందా పరావరవిభేదికా ।
సర్వప్రహరణోపేతా కామ్యా కామేశ్వరేశ్వరీ ॥ 78॥
అనంతానందవిభవా హృల్లేఖా కనకప్రభా ।
కూష్మాండా ధనరత్నాఢ్యా సుగంధా గంధదాయినీ ॥ 79॥
త్రివిక్రమపదోద్భూతా చతురాస్యా శివోదయా ।
సుదుర్లభా ధనాధ్యక్షా ధన్యా పింగలలోచనా ॥ 80॥
శాంతా ప్రభాస్వరూపా చ పంకజాయతలోచనా ।
ఇంద్రాక్షీ హృదయాంతఃస్థా శివా మాతా చ సత్క్రియా ॥ 81॥
గిరిజా చ సుగూఢా చ నిత్యపుష్టా నిరంతరా ।
దుర్గా కాత్యాయనీ చండీ చంద్రికా కాంతవిగ్రహా ॥ 82॥
హిరణ్యవర్ణా జగతీ జగద్యంత్రప్రవర్తికా ।
మందరాద్రినివాసా చ శారదా స్వర్ణమాలినీ ॥ 83॥
రత్నమాలా రత్నగర్భా వ్యుష్టిర్విశ్వప్రమాథినీ ।
పద్మానందా పద్మనిభా నిత్యపుష్టా కృతోద్భవా ॥ 84॥
నారాయణీ దుష్టశిక్షా సూర్యమాతా వృషప్రియా ।
మహేంద్రభగినీ సత్యా సత్యభాషా సుకోమలా ॥ 85॥
వామా చ పంచతపసాం వరదాత్రీ ప్రకీర్తితా ।
వాచ్యవర్ణేశ్వరీ విద్యా దుర్జయా దురతిక్రమా ॥ 86॥
కాలరాత్రిర్మహావేగా వీరభద్రప్రియా హితా ।
భద్రకాలీ జగన్మాతా భక్తానాం భద్రదాయినీ ॥ 87॥
కరాలా పింగలాకారా కామభేత్త్రీ మహామనాః ।
యశస్వినీ యశోదా చ షడధ్వపరివర్తికా ॥ 88॥
శంఖినీ పద్మినీ సంఖ్యా సాంఖ్యయోగప్రవర్తికా ।
చైత్రాదిర్వత్సరారూఢా జగత్సంపూరణీంద్రజా ॥ 89॥
శుంభఘ్నీ ఖేచరారాధ్యా కంబుగ్రీవా బలీడితా ।
ఖగారూఢా మహైశ్వర్యా సుపద్మనిలయా తథా ॥ 90॥
విరక్తా గరుడస్థా చ జగతీహృద్గుహాశ్రయా ।
శుంభాదిమథనా భక్తహృద్గహ్వరనివాసినీ ॥ 91॥
జగత్త్త్రయారణీ సిద్ధసంకల్పా కామదా తథా ।
సర్వవిజ్ఞానదాత్రీ చానల్పకల్మషహారిణీ ॥ 92॥
సకలోపనిషద్గమ్యా దుష్టదుష్ప్రేక్ష్యసత్తమా ।
సద్వృతా లోకసంవ్యాప్తా తుష్టిః పుష్టిః క్రియావతీ ॥ 93॥
విశ్వామరేశ్వరీ చైవ భుక్తిముక్తిప్రదాయినీ ।
శివాధృతా లోహితాక్షీ సర్పమాలావిభూషణా ॥ 94॥
నిరానందా త్రిశూలాసిధనుర్బాణాదిధారిణీ ।
అశేషధ్యేయమూర్తిశ్చ దేవతానాం చ దేవతా ॥ 95॥
వరాంబికా గిరేః పుత్రీ నిశుంభవినిపాతినీ ।
సువర్ణా స్వర్ణలసితాఽనంతవర్ణా సదాధృతా ॥ 96॥
శాంకరీ శాంతహృదయా అహోరాత్రవిధాయికా ।
విశ్వగోప్త్రీ గూఢరూపా గుణపూర్ణా చ గార్గ్యజా ॥ 97॥
గౌరీ శాకంభరీ సత్యసంధా సంధ్యాత్రయీధృతా ।
సర్వపాపవినిర్ముక్తా సర్వబంధవివర్జితా ॥ 98॥
సాంఖ్యయోగసమాఖ్యాతా అప్రమేయా మునీడితా ।
విశుద్ధసుకులోద్భూతా బిందునాదసమాదృతా ॥ 99॥
శంభువామాంకగా చైవ శశితుల్యనిభాననా ।
వనమాలావిరాజంతీ అనంతశయనాదృతా ॥ 100॥
నరనారాయణోద్భూతా నారసింహీ ప్రకీర్తితా ।
దైత్యప్రమాథినీ శంఖచక్రపద్మగదాధరా ॥ 101॥
సంకర్షణసముత్పన్నా అంబికా సజ్జనాశ్రయా ।
సువృతా సుందరీ చైవ ధర్మకామార్థదాయినీ ॥ 102॥
మోక్షదా భక్తినిలయా పురాణపురుషాదృతా ।
మహావిభూతిదాఽఽరాధ్యా సరోజనిలయాఽసమా ॥ 103॥
అష్టాదశభుజాఽనాదిర్నీలోత్పలదలాక్షిణీ ।
సర్వశక్తిసమారూఢా ధర్మాధర్మవివర్జితా ॥ 104॥
వైరాగ్యజ్ఞాననిరతా నిరాలోకా నిరింద్రియా ।
విచిత్రగహనాధారా శాశ్వతస్థానవాసినీ ॥ 105॥
జ్ఞానేశ్వరీ పీతచేలా వేదవేదాంగపారగా ।
మనస్వినీ మన్యుమాతా మహామన్యుసముద్భవా ॥ 106॥
అమన్యురమృతాస్వాదా పురందరపరిష్టుతా ।
అశోచ్యా భిన్నవిషయా హిరణ్యరజతప్రియా ॥ 107॥
హిరణ్యజననీ భీమా హేమాభరణభూషితా ।
విభ్రాజమానా దుర్జ్ఞేయా జ్యోతిష్టోమఫలప్రదా ॥ 108॥
మహానిద్రాసముత్పత్తిరనిద్రా సత్యదేవతా ।
దీర్ఘా కకుద్మినీ పింగజటాధారా మనోజ్ఞధీః ॥ 109॥
మహాశ్రయా రమోత్పన్నా తమఃపారే ప్రతిష్ఠితా ।
త్రితత్త్వమాతా త్రివిధా సుసూక్ష్మా పద్మసంశ్రయా ॥ 110॥
శాంత్యతీతకలాఽతీతవికారా శ్వేతచేలికా ।
చిత్రమాయా శివజ్ఞానస్వరూపా దైత్యమాథినీ ॥ 111॥
కాశ్యపీ కాలసర్పాభవేణికా శాస్త్రయోనికా ।
త్రయీమూర్తిః క్రియామూర్తిశ్చతుర్వర్గా చ దర్శినీ ॥ 112॥
నారాయణీ నరోత్పన్నా కౌముదీ కాంతిధారిణీ ।
కౌశికీ లలితా లీలా పరావరవిభావినీ ॥ 113॥
వరేణ్యాఽద్భుతమహాత్మ్యా వడవా వామలోచనా ।
సుభద్రా చేతనారాధ్యా శాంతిదా శాంతివర్ధినీ ॥ 114॥
జయాదిశక్తిజననీ శక్తిచక్రప్రవర్తికా ।
త్రిశక్తిజననీ జన్యా షట్సూత్రపరివర్ణితా ॥ 115॥
సుధౌతకర్మణాఽఽరాధ్యా యుగాంతదహనాత్మికా ।
సంకర్షిణీ జగద్ధాత్రీ కామయోనిః కిరీటినీ ॥ 116॥
ఐంద్రీ త్రైలోక్యనమితా వైష్ణవీ పరమేశ్వరీ ।
ప్రద్యుమ్నజననీ బింబసమోష్ఠీ పద్మలోచనా ॥ 117॥
మదోత్కటా హంసగతిః ప్రచండా చండవిక్రమా ।
వృషాధీశా పరాత్మా చ వింధ్యా పర్వతవాసినీ ॥ 118॥
హిమవన్మేరునిలయా కైలాసపురవాసినీ ।
చాణూరహంత్రీ నీతిజ్ఞా కామరూపా త్రయీతనుః ॥ 119॥
వ్రతస్నాతా ధర్మశీలా సింహాసననివాసినీ ।
వీరభద్రాదృతా వీరా మహాకాలసముద్భవా ॥ 120॥
విద్యాధరార్చితా సిద్ధసాధ్యారాధితపాదుకా ।
శ్రద్ధాత్మికా పావనీ చ మోహినీ అచలాత్మికా ॥ 121॥
మహాద్భుతా వారిజాక్షీ సింహవాహనగామినీ ।
మనీషిణీ సుధావాణీ వీణావాదనతత్పరా ॥ 122॥
శ్వేతవాహనిషేవ్యా చ లసన్మతిరరుంధతీ ।
హిరణ్యాక్షీ తథా చైవ మహానందప్రదాయినీ ॥ 123॥
వసుప్రభా సుమాల్యాప్తకంధరా పంకజాననా ।
పరావరా వరారోహా సహస్రనయనార్చితా ॥ 124॥
శ్రీరూపా శ్రీమతీ శ్రేష్ఠా శివనామ్నీ శివప్రియా ।
శ్రీప్రదా శ్రితకల్యాణా శ్రీధరార్ధశరీరిణీ ॥ 125॥
శ్రీకలాఽనంతదృష్టిశ్చ హ్యక్షుద్రారాతిసూదనీ ।
రక్తబీజనిహంత్రీ చ దైత్యసంగవిమర్దినీ ॥ 126॥
సింహారూఢా సింహికాస్యా దైత్యశోణితపాయినీ ।
సుకీర్తిసహితాచ్ఛిన్నసంశయా రసవేదినీ ॥ 127॥
గుణాభిరామా నాగారివాహనా నిర్జరార్చితా ।
నిత్యోదితా స్వయంజ్యోతిః స్వర్ణకాయా ప్రకీర్తితా ॥ 128॥
వజ్రదండాంకితా చైవ తథామృతసంజీవినీ ।
వజ్రచ్ఛన్నా దేవదేవీ వరవజ్రస్వవిగ్రహా ॥ 129॥
మాంగల్యా మంగలాత్మా చ మాలినీ మాల్యధారిణీ ।
గంధర్వీ తరుణీ చాంద్రీ ఖడ్గాయుధధరా తథా ॥ 130॥
సౌదామినీ ప్రజానందా తథా ప్రోక్తా భృగూద్భవా ।
ఏకానంగా చ శాస్త్రార్థకుశలా ధర్మచారిణీ ॥ 131॥
ధర్మసర్వస్వవాహా చ ధర్మాధర్మవినిశ్చయా ।
ధర్మశక్తిర్ధర్మమయా ధార్మికానాం శివప్రదా ॥ 132॥
విధర్మా విశ్వధర్మజ్ఞా ధర్మార్థాంతరవిగ్రహా ।
ధర్మవర్ష్మా ధర్మపూర్వా ధర్మపారంగతాంతరా ॥ 133॥
ధర్మోపదేష్ట్రీ ధర్మాత్మా ధర్మగమ్యా ధరాధరా ।
కపాలినీ శాకలినీ కలాకలితవిగ్రహా ॥ 134॥
సర్వశక్తివిముక్తా చ కర్ణికారధరాఽక్షరా।
కంసప్రాణహరా చైవ యుగధర్మధరా తథా ॥ 135॥
యుగప్రవర్తికా ప్రోక్తా త్రిసంధ్యా ధ్యేయవిగ్రహా ।
స్వర్గాపవర్గదాత్రీ చ తథా ప్రత్యక్షదేవతా ॥ 136॥
ఆదిత్యా దివ్యగంధా చ దివాకరనిభప్రభా ।
పద్మాసనగతా ప్రోక్తా ఖడ్గబాణశరాసనా ॥ 137॥
శిష్టా విశిష్టా శిష్టేష్టా శిష్టశ్రేష్ఠప్రపూజితా ।
శతరూపా శతావర్తా వితతా రాసమోదినీ ॥ 138॥
సూర్యేందునేత్రా ప్రద్యుమ్నజననీ సుష్ఠుమాయినీ ।
సూర్యాంతరస్థితా చైవ సత్ప్రతిష్ఠతవిగ్రహా ॥ 139॥
నివృత్తా ప్రోచ్యతే జ్ఞానపారగా పర్వతాత్మజా ।
కాత్యాయనీ చండికా చ చండీ హైమవతీ తథా ॥ 140॥
దాక్షాయణీ సతీ చైవ భవానీ సర్వమంగలా ।
ధూమ్రలోచనహంత్రీ చ చండముండవినాశినీ ॥ 141॥
యోగనిద్రా యోగభద్రా సముద్రతనయా తథా ।
దేవప్రియంకరీ శుద్ధా భక్తభక్తిప్రవర్ధినీ ॥ 142॥
త్రిణేత్రా చంద్రముకుటా ప్రమథార్చితపాదుకా ।
అర్జునాభీష్టదాత్రీ చ పాండవప్రియకారిణీ ॥ 143॥
కుమారలాలనాసక్తా హరబాహూపధానికా ।
విఘ్నేశజననీ భక్తవిఘ్నస్తోమప్రహారిణీ ॥ 144॥
సుస్మితేందుముఖీ నమ్యా జయాప్రియసఖీ తథా ।
అనాదినిధనా ప్రేష్ఠా చిత్రమాల్యానులేపనా ॥ 145॥
కోటిచంద్రప్రతీకాశా కూటజాలప్రమాథినీ ।
కృత్యాప్రహారిణీ చైవ మారణోచ్చాటనీ తథా ॥ 146॥
సురాసురప్రవంద్యాంఘ్రిర్మోహఘ్నీ జ్ఞానదాయినీ ।
షడ్వైరినిగ్రహకరీ వైరివిద్రావిణీ తథా ॥ 147॥
భూతసేవ్యా భూతదాత్రీ భూతపీడావిమర్దికా ।
నారదస్తుతచారిత్రా వరదేశా వరప్రదా ॥ 148॥
వామదేవస్తుతా చైవ కామదా సోమశేఖరా ।
దిక్పాలసేవితా భవ్యా భామినీ భావదాయినీ ॥ 149॥
స్త్రీసౌభాగ్యప్రదాత్రీ చ భోగదా రోగనాశినీ ।
వ్యోమగా భూమిగా చైవ మునిపూజ్యపదాంబుజా ।
వనదుర్గా చ దుర్బోధా మహాదుర్గా ప్రకీర్తితా ॥ 150॥
ఫలశ్రుతిః
ఇతీదం కీర్తిదం భద్ర దుర్గానామసహస్రకమ్ ।
త్రిసంధ్యం యః పఠేన్నిత్యం తస్య లక్ష్మీః స్థిరా భవేత్ ॥ 1॥
గ్రహభూతపిశాచాదిపీడా నశ్యత్యసంశయమ్ ।
బాలగ్రహాదిపీడాయాః శాంతిర్భవతి కీర్తనాత్ ॥ 2॥
మారికాదిమహారోగే పఠతాం సౌఖ్యదం నృణామ్ ।
వ్యవహారే చ జయదం శత్రుబాధానివారకమ్ ॥ 3॥
దంపత్యోః కలహే ప్రాప్తే మిథః ప్రేమాభివర్ధకమ్ ।
ఆయురారోగ్యదం పుంసాం సర్వసంపత్ప్రదాయకమ్ ॥ 4॥
విద్యాభివర్ధకం నిత్యం పఠతామర్థసాధకమ్ ।
శుభదం శుభకార్యేషు పఠతాం శృణుతామపి ॥ 5॥
యః పూజయతి దుర్గాం తాం దుర్గానామసహస్రకైః ।
పుష్పైః కుంకుమసమ్మిశ్రైః స తు యత్కాంక్షతే హృది ॥ 6॥
తత్సర్వం సమవాప్నోతి నాస్తి నాస్త్యత్ర సంశయః ।
యన్ముఖే ధ్రియతే నిత్యం దుర్గానామసహస్రకమ్ ॥ 7॥
కిం తస్యేతరమంత్రౌఘైః కార్యం ధన్యతమస్య హి ।
దుర్గానామసహస్రస్య పుస్తకం యద్గృహే భవేత్ ॥ 8॥
న తత్ర గ్రహభూతాదిబాధా స్యాన్మంగలాస్పదే ।
తద్గృహం పుణ్యదం క్షేత్రం దేవీసాన్నిధ్యకారకమ్ ॥ 9॥
ఏతస్య స్తోత్రముఖ్యస్య పాఠకః శ్రేష్ఠమంత్రవిత్ ।
దేవతాయాః ప్రసాదేన సర్వపూజ్యః సుఖీ భవేత్ ॥ 10॥
ఇత్యేతన్నగరాజేన కీర్తితం మునిసత్తమ ।
గుహ్యాద్గుహ్యతరం స్తోత్రం త్వయి స్నేహాత్ ప్రకీర్తితమ్ ॥ 11॥
భక్తాయ శ్రద్ధధానాయ కేవలం కీర్త్యతామిదమ్ ।
హృది ధారయ నిత్యం త్వం దేవ్యనుగ్రహసాధకమ్ ॥ 12॥ ॥
ఇతి శ్రీస్కాందపురాణే స్కందనారదసంవాదే దుర్గాసహస్రనామస్తోత్రం సంపూర్ణమ్ ॥
Sree Durga Sahasra Nama Stotram
॥ Atha Śrī Durgā Sahasranāmastōtram ॥
Nārada Uvācha -
Kumāra Guṇagambhīra Dēvasēnāpatē Prabhō ।
Sarvābhīṣṭapradaṃ Puṃsāṃ Sarvapāpapraṇāśanam ॥ 1॥
Guhyādguhyataraṃ Stōtraṃ Bhaktivardhakamañjasā ।
Maṅgalaṃ Grahapīḍādiśāntidaṃ Vaktumarhasi ॥ 2॥
Skanda Uvācha -
Śṛṇu Nārada Dēvarṣē Lōkānugrahakāmyayā ।
Yatpṛchchasi Paraṃ Puṇyaṃ Tattē Vakṣyāmi Kautukāt ॥ 3॥
Mātā Mē Lōkajananī Himavannagasattamāt ।
Mēnāyāṃ Brahmavādinyāṃ Prādurbhūtā Harapriyā ॥ 4॥
Mahatā Tapasā''rādhya Śaṅkaraṃ Lōkaśaṅkaram ।
Svamēva Vallabhaṃ Bhējē Kalēva Hi Kalānidhim ॥ 5॥
Nagānāmadhirājastu Himavān Virahāturaḥ ।
Svasutāyāḥ Parikṣīṇē Vasiṣṭhēna Prabōdhitaḥ ॥ 6॥
Trilōkajananī Sēyaṃ Prasannā Tvayi Puṇyataḥ ।
Prādurbhūtā Sutātvēna Tadviyōgaṃ Śubhaṃ Tyaja ॥ 7॥
Bahurūpā Cha Durgēyaṃ Bahunāmnī Sanātanī ।
Sanātanasya Jāyā Sā Putrīmōhaṃ Tyajādhunā ॥ 8॥
Iti Prabōdhitaḥ Śailaḥ Tāṃ Tuṣṭāva Parāṃ Śivām ।
Tadā Prasannā Sā Durgā Pitaraṃ Prāha Nandinī ॥ 9॥
Matprasādātparaṃ Stōtraṃ Hṛdayē Pratibhāsatām ।
Tēna Nāmnāṃ Sahasrēṇa Pūjayan Kāmamāpnuhi ॥ 10॥
Ityuktvāntarhitāyāṃ Tu Hṛdayē Sphuritaṃ Tadā ।
Nāmnāṃ Sahasraṃ Durgāyāḥ Pṛchchatē Mē Yaduktavān ॥ 11॥
Maṅgalānāṃ Maṅgalaṃ Tad Durgānāma Sahasrakam ।
Sarvābhīṣṭapradāṃ Puṃsāṃ Bravīmyakhilakāmadam ॥ 12॥
Durgādēvī Samākhyātā Himavānṛṣiruchyatē ।
Chandōnuṣṭup Japō Dēvyāḥ Prītayē Kriyatē Sadā ॥ 13॥
Asya Śrīdurgāstōtramahāmantrasya । Himavān Ṛṣiḥ । Anuṣṭup Chandaḥ ।
Durgābhagavatī Dēvatā । Śrīdurgāprasādasiddhyarthē Japē Viniyōgaḥ । ।
Śrībhagavatyai Durgāyai Namaḥ ।
Dēvīdhyānam
Ōṃ Hrīṃ Kālābhrābhāṃ Kaṭākṣairarikulabhayadāṃ Maulibaddhēndurēkhāṃ
Śaṅkhaṃ Chakraṃ Kṛpāṇaṃ Triśikhamapi Karairudvahantīṃ Trinētrām ।
Siṃhaskandhādhirūḍhāṃ Tribhuvanamakhilaṃ Tējasā Pūrayantīṃ
Dhyāyēd Durgāṃ Jayākhyāṃ Tridaśaparivṛtāṃ Sēvitāṃ Siddhikāmaiḥ ॥
Śrī Jayadurgāyai Namaḥ ।
Ōṃ Śivāthōmā Ramā Śaktiranantā Niṣkalā'malā ।
Śāntā Māhēśvarī Nityā Śāśvatā Paramā Kṣamā ॥ 1॥
Achintyā Kēvalānantā Śivātmā Paramātmikā ।
Anādiravyayā Śuddhā Sarvajñā Sarvagā'chalā ॥ 2॥
Ēkānēkavibhāgasthā Māyātītā Sunirmalā ।
Mahāmāhēśvarī Satyā Mahādēvī Nirañjanā ॥ 3॥
Kāṣṭhā Sarvāntarasthā'pi Chichchaktiśchātrilālitā ।
Sarvā Sarvātmikā Viśvā Jyōtīrūpākṣarāmṛtā ॥ 4॥
Śāntā Pratiṣṭhā Sarvēśā Nivṛttiramṛtapradā ।
Vyōmamūrtirvyōmasaṃsthā Vyōmadhārā'chyutā'tulā ॥ 5॥
Anādinidhanā'mōghā Kāraṇātmakalākulā ।
Ṛtuprathamajā'nābhiramṛtātmasamāśrayā ॥ 6॥
Prāṇēśvarapriyā Namyā Mahāmahiṣaghātinī ।
Prāṇēśvarī Prāṇarūpā Pradhānapuruṣēśvarī ॥ 7॥
Sarvaśaktikalā'kāmā Mahiṣēṣṭavināśinī ।
Sarvakāryaniyantrī Cha Sarvabhūtēśvarēśvarī ॥ 8॥
Aṅgadādidharā Chaiva Tathā Mukuṭadhāriṇī ।
Sanātanī Mahānandā''kāśayōnistathēchyatē ॥ 9॥
Chitprakāśasvarūpā Cha Mahāyōgēśvarēśvarī ।
Mahāmāyā Saduṣpārā Mūlaprakṛtirīśikā ॥ 10॥
Saṃsārayōniḥ Sakalā Sarvaśaktisamudbhavā ।
Saṃsārapārā Durvārā Durnirīkṣā Durāsadā ॥ 11॥
Prāṇaśaktiścha Sēvyā Cha Yōginī Paramākalā ।
Mahāvibhūtirdurdarśā Mūlaprakṛtisambhavā ॥ 12॥
Anādyanantavibhavā Parārthā Puruṣāraṇiḥ ।
Sargasthityantakṛchchaiva Sudurvāchyā Duratyayā ॥ 13॥
Śabdagamyā Śabdamāyā Śabdākhyānandavigrahā ।
Pradhānapuruṣātītā Pradhānapuruṣātmikā ॥ 14॥
Purāṇī Chinmayā Puṃsāmiṣṭadā Puṣṭirūpiṇī ।
Pūtāntarasthā Kūṭasthā Mahāpuruṣasañjñitā ॥ 15॥
Janmamṛtyujarātītā Sarvaśaktisvarūpiṇī ।
Vāñchāpradā'navachchinnapradhānānupravēśinī ॥ 16॥
Kṣētrajñā'chintyaśaktistu Prōchyatē'vyaktalakṣaṇā ।
Malāpavarjitā''nādimāyā Tritayatattvikā ॥ 17॥
Prītiścha Prakṛtiśchaiva Guhāvāsā Tathōchyatē ।
Mahāmāyā Nagōtpannā Tāmasī Cha Dhruvā Tathā ॥ 18॥
Vyaktā'vyaktātmikā Kṛṣṇā Raktā Śuklā Hyakāraṇā ।
Prōchyatē Kāryajananī Nityaprasavadharmiṇī ॥ 19॥
Sargapralayamuktā Cha Sṛṣṭisthityantadharmiṇī ।
Brahmagarbhā Chaturviṃśasvarūpā Padmavāsinī ॥ 20॥
Achyutāhlādikā Vidyudbrahmayōnirmahālayā ।
Mahālakṣmī Samudbhāvabhāvitātmāmahēśvarī ॥ 21॥
Mahāvimānamadhyasthā Mahānidrā Sakautukā ।
Sarvārthadhāriṇī Sūkṣmā Hyaviddhā Paramārthadā ॥ 22॥
Anantarūpā'nantārthā Tathā Puruṣamōhinī ।
Anēkānēkahastā Cha Kālatrayavivarjitā ॥ 23॥
Brahmajanmā Haraprītā Matirbrahmaśivātmikā ।
Brahmēśaviṣṇusampūjyā Brahmākhyā Brahmasañjñitā ॥ 24॥
Vyaktā Prathamajā Brāhmī Mahārātrīḥ Prakīrtitā ।
Jñānasvarūpā Vairāgyarūpā Hyaiśvaryarūpiṇī ॥ 25॥
Dharmātmikā Brahmamūrtiḥ Pratiśrutapumarthikā ।
Apāṃyōniḥ Svayambhūtā Mānasī Tattvasambhavā ॥ 26॥
Īśvarasya Priyā Prōktā Śaṅkarārdhaśarīriṇī ।
Bhavānī Chaiva Rudrāṇī Mahālakṣmīstathā'mbikā ॥ 27॥
Mahēśvarasamutpannā Bhuktimukti Pradāyinī ।
Sarvēśvarī Sarvavandyā Nityamuktā Sumānasā ॥ 28॥
Mahēndrōpēndranamitā Śāṅkarīśānuvartinī ।
Īśvarārdhāsanagatā Māhēśvarapativratā ॥ 29॥
Saṃsāraśōṣiṇī Chaiva Pārvatī Himavatsutā ।
Paramānandadātrī Cha Guṇāgryā Yōgadā Tathā ॥ 30॥
Jñānamūrtiścha Sāvitrī Lakṣmīḥ Śrīḥ Kamalā Tathā ।
Anantaguṇagambhīrā Hyurōnīlamaṇiprabhā ॥ 31॥
Sarōjanilayā Gaṅgā Yōgidhyēyā'surārdinī ।
Sarasvatī Sarvavidyā Jagajjyēṣṭhā Sumaṅgalā ॥ 32॥
Vāgdēvī Varadā Varyā Kīrtiḥ Sarvārthasādhikā ।
Vāgīśvarī Brahmavidyā Mahāvidyā Suśōbhanā ॥ 33॥
Grāhyavidyā Vēdavidyā Dharmavidyā''tmabhāvitā ।
Svāhā Viśvambharā Siddhiḥ Sādhyā Mēdhā Dhṛtiḥ Kṛtiḥ ॥ 34॥
Sunītiḥ Saṅkṛtiśchaiva Kīrtitā Naravāhinī ।
Pūjāvibhāvinī Saumyā Bhōgyabhāg Bhōgadāyinī ॥ 35॥
Śōbhāvatī Śāṅkarī Cha Lōlā Mālāvibhūṣitā ।
Paramēṣṭhipriyā Chaiva Trilōkīsundarī Mātā ॥ 36॥
Nandā Sandhyā Kāmadhātrī Mahādēvī Susāttvikā ।
Mahāmahiṣadarpaghnī Padmamālā'ghahāriṇī ॥ 37॥
Vichitramukuṭā Rāmā Kāmadātā Prakīrtitā ।
Pitāmbaradharā Divyavibhūṣaṇa Vibhūṣitā ॥ 38॥
Divyākhyā Sōmavadanā Jagatsaṃsṛṣṭivarjitā ।
Niryantrā Yantravāhasthā Nandinī Rudrakālikā ॥ 39॥
Ādityavarṇā Kaumārī Mayūravaravāhinī ।
Padmāsanagatā Gaurī Mahākālī Surārchitā ॥ 40॥
Aditirniyatā Raudrī Padmagarbhā Vivāhanā ।
Virūpākṣā Kēśivāhā Guhāpuranivāsinī ॥ 41॥
Mahāphalā'navadyāṅgī Kāmarūpā Saridvarā ।
Bhāsvadrūpā Muktidātrī Praṇataklēśabhañjanā ॥ 42॥
Kauśikī Gōminī Rātristridaśārivināśinī ।
Bahurūpā Surūpā Cha Virūpā Rūpavarjitā ॥ 43॥
Bhaktārtiśamanā Bhavyā Bhavabhāvavināśinī ।
Sarvajñānaparītāṅgī Sarvāsuravimardikā ॥ 44॥
Pikasvanī Sāmagītā Bhavāṅkanilayā Priyā ।
Dīkṣā Vidyādharī Dīptā Mahēndrāhitapātinī ॥ 45॥
Sarvadēvamayā Dakṣā Samudrāntaravāsinī ।
Akalaṅkā Nirādhārā Nityasiddhā Nirāmayā ॥ 46॥
Kāmadhēnubṛhadgarbhā Dhīmatī Maunanāśinī ।
Niḥsaṅkalpā Nirātaṅkā Vinayā Vinayapradā ॥ 47॥
Jvālāmālā Sahasrāḍhyā Dēvadēvī Manōmayā ।
Subhagā Suviśuddhā Cha Vasudēvasamudbhavā ॥ 48॥
Mahēndrōpēndrabhaginī Bhaktigamyā Parāvarā ।
Jñānajñēyā Parātītā Vēdāntaviṣayā Matiḥ ॥ 49॥
Dakṣiṇā Dāhikā Dahyā Sarvabhūtahṛdisthitā ।
Yōgamāyā Vibhāgajñā Mahāmōhā Garīyasī ॥ 50॥
Sandhyā Sarvasamudbhūtā Brahmavṛkṣāśriyāditiḥ ।
Bījāṅkurasamudbhūtā Mahāśaktirmahāmatiḥ ॥ 51॥
Khyātiḥ Prajñāvatī Sañjñā Mahābhōgīndraśāyinī ।
Hīṅkṛtiḥ Śaṅkarī Śāntirgandharvagaṇasēvitā ॥ 52॥
Vaiśvānarī Mahāśūlā Dēvasēnā Bhavapriyā ।
Mahārātrī Parānandā Śachī Duḥsvapnanāśinī ॥ 53॥
Īḍyā Jayā Jagaddhātrī Durvijñēyā Surūpiṇī ।
Guhāmbikā Gaṇōtpannā Mahāpīṭhā Marutsutā ॥ 54॥
Havyavāhā Bhavānandā Jagadyōniḥ Prakīrtitā ।
Jaganmātā Jaganmṛtyurjarātītā Cha Buddhidā ॥ 55॥
Siddhidātrī Ratnagarbhā Ratnagarbhāśrayā Parā ।
Daityahantrī Svēṣṭadātrī Maṅgalaikasuvigrahā ॥ 56॥
Puruṣāntargatā Chaiva Samādhisthā Tapasvinī ।
Divisthitā Triṇētrā Cha Sarvēndriyamanādhṛtiḥ ॥ 57॥
Sarvabhūtahṛdisthā Cha Tathā Saṃsāratāriṇī ।
Vēdyā Brahmavivēdyā Cha Mahālīlā Prakīrtitā ॥ 58॥
Brāhmaṇibṛhatī Brāhmī Brahmabhūtā'ghahāriṇī ।
Hiraṇmayī Mahādātrī Saṃsāraparivartikā ॥ 59॥
Sumālinī Surūpā Cha Bhāsvinī Dhāriṇī Tathā ।
Unmūlinī Sarvasabhā Sarvapratyayasākṣiṇī ॥ 60॥
Susaumyā Chandravadanā Tāṇḍavāsaktamānasā ।
Sattvaśuddhikarī Śuddhā Malatrayavināśinī ॥ 61॥
Jagatttrayī Jaganmūrtistrimūrtiramṛtāśrayā ।
Vimānasthā Viśōkā Cha Śōkanāśinyanāhatā ॥ 62॥
Hēmakuṇḍalinī Kālī Padmavāsā Sanātanī ।
Sadākīrtiḥ Sarvabhūtaśayā Dēvī Satāmpriyā ॥ 63॥
Brahmamūrtikalā Chaiva Kṛttikā Kañjamālinī ।
Vyōmakēśā Kriyāśaktirichchāśaktiḥ Parāgatiḥ ॥ 64॥
Kṣōbhikā Khaṇḍikābhēdyā Bhēdābhēdavivarjitā ।
Abhinnā Bhinnasaṃsthānā Vaśinī Vaṃśadhāriṇī ॥ 65॥
Guhyaśaktirguhyatattvā Sarvadā Sarvatōmukhī ।
Bhaginī Cha Nirādhārā Nirāhārā Prakīrtitā ॥ 66॥
Niraṅkuśapadōdbhūtā Chakrahastā Viśōdhikā ।
Sragviṇī Padmasambhēdakāriṇī Parikīrtitā ॥ 67॥
Parāvaravidhānajñā Mahāpuruṣapūrvajā ।
Parāvarajñā Vidyā Cha Vidyujjihvā Jitāśrayā ॥ 68॥
Vidyāmayī Sahasrākṣī Sahasravadanātmajā ।
Sahasraraśmiḥsatvasthā Mahēśvarapadāśrayā ॥ 69॥
Jvālinī Sanmayā Vyāptā Chinmayā Padmabhēdikā ।
Mahāśrayā Mahāmantrā Mahādēvamanōramā ॥ 70॥
Vyōmalakṣmīḥ Siṃharathā Chēkitānā'mitaprabhā ।
Viśvēśvarī Bhagavatī Sakalā Kālahāriṇī ॥ 71॥
Sarvavēdyā Sarvabhadrā Guhyā Dūḍhā Guhāraṇī ।
Pralayā Yōgadhātrī Cha Gaṅgā Viśvēśvarī Tathā ॥ 72॥
Kāmadā Kanakā Kāntā Kañjagarbhaprabhā Tathā ।
Puṇyadā Kālakēśā Cha Bhōkttrī Puṣkariṇī Tathā ॥ 73॥
Surēśvarī Bhūtidātrī Bhūtibhūṣā Prakīrtitā ।
Pañchabrahmasamutpannā Paramārthā'rthavigrahā ॥ 74॥
Varṇōdayā Bhānumūrtirvāgvijñēyā Manōjavā ।
Manōharā Mahōraskā Tāmasī Vēdarūpiṇī ॥ 75॥
Vēdaśaktirvēdamātā Vēdavidyāprakāśinī ।
Yōgēśvarēśvarī Māyā Mahāśaktirmahāmayī ॥ 76॥
Viśvāntaḥsthā Viyanmūrtirbhārgavī Surasundarī ।
Surabhirnandinī Vidyā Nandagōpatanūdbhavā ॥ 77॥
Bhāratī Paramānandā Parāvaravibhēdikā ।
Sarvapraharaṇōpētā Kāmyā Kāmēśvarēśvarī ॥ 78॥
Anantānandavibhavā Hṛllēkhā Kanakaprabhā ।
Kūṣmāṇḍā Dhanaratnāḍhyā Sugandhā Gandhadāyinī ॥ 79॥
Trivikramapadōdbhūtā Chaturāsyā Śivōdayā ।
Sudurlabhā Dhanādhyakṣā Dhanyā Piṅgalalōchanā ॥ 80॥
Śāntā Prabhāsvarūpā Cha Paṅkajāyatalōchanā ।
Indrākṣī Hṛdayāntaḥsthā Śivā Mātā Cha Satkriyā ॥ 81॥
Girijā Cha Sugūḍhā Cha Nityapuṣṭā Nirantarā ।
Durgā Kātyāyanī Chaṇḍī Chandrikā Kāntavigrahā ॥ 82॥
Hiraṇyavarṇā Jagatī Jagadyantrapravartikā ।
Mandarādrinivāsā Cha Śāradā Svarṇamālinī ॥ 83॥
Ratnamālā Ratnagarbhā Vyuṣṭirviśvapramāthinī ।
Padmānandā Padmanibhā Nityapuṣṭā Kṛtōdbhavā ॥ 84॥
Nārāyaṇī Duṣṭaśikṣā Sūryamātā Vṛṣapriyā ।
Mahēndrabhaginī Satyā Satyabhāṣā Sukōmalā ॥ 85॥
Vāmā Cha Pañchatapasāṃ Varadātrī Prakīrtitā ।
Vāchyavarṇēśvarī Vidyā Durjayā Duratikramā ॥ 86॥
Kālarātrirmahāvēgā Vīrabhadrapriyā Hitā ।
Bhadrakālī Jaganmātā Bhaktānāṃ Bhadradāyinī ॥ 87॥
Karālā Piṅgalākārā Kāmabhēttrī Mahāmanāḥ ।
Yaśasvinī Yaśōdā Cha Ṣaḍadhvaparivartikā ॥ 88॥
Śaṅkhinī Padminī Saṅkhyā Sāṅkhyayōgapravartikā ।
Chaitrādirvatsarārūḍhā Jagatsampūraṇīndrajā ॥ 89॥
Śumbhaghnī Khēcharārādhyā Kambugrīvā Balīḍitā ।
Khagārūḍhā Mahaiśvaryā Supadmanilayā Tathā ॥ 90॥
Viraktā Garuḍasthā Cha Jagatīhṛdguhāśrayā ।
Śumbhādimathanā Bhaktahṛdgahvaranivāsinī ॥ 91॥
Jagatttrayāraṇī Siddhasaṅkalpā Kāmadā Tathā ।
Sarvavijñānadātrī Chānalpakalmaṣahāriṇī ॥ 92॥
Sakalōpaniṣadgamyā Duṣṭaduṣprēkṣyasattamā ।
Sadvṛtā Lōkasaṃvyāptā Tuṣṭiḥ Puṣṭiḥ Kriyāvatī ॥ 93॥
Viśvāmarēśvarī Chaiva Bhuktimuktipradāyinī ।
Śivādhṛtā Lōhitākṣī Sarpamālāvibhūṣaṇā ॥ 94॥
Nirānandā Triśūlāsidhanurbāṇādidhāriṇī ।
Aśēṣadhyēyamūrtiścha Dēvatānāṃ Cha Dēvatā ॥ 95॥
Varāmbikā Girēḥ Putrī Niśumbhavinipātinī ।
Suvarṇā Svarṇalasitā'nantavarṇā Sadādhṛtā ॥ 96॥
Śāṅkarī Śāntahṛdayā Ahōrātravidhāyikā ।
Viśvagōptrī Gūḍharūpā Guṇapūrṇā Cha Gārgyajā ॥ 97॥
Gaurī Śākambharī Satyasandhā Sandhyātrayīdhṛtā ।
Sarvapāpavinirmuktā Sarvabandhavivarjitā ॥ 98॥
Sāṅkhyayōgasamākhyātā Apramēyā Munīḍitā ।
Viśuddhasukulōdbhūtā Bindunādasamādṛtā ॥ 99॥
Śambhuvāmāṅkagā Chaiva Śaśitulyanibhānanā ।
Vanamālāvirājantī Anantaśayanādṛtā ॥ 100॥
Naranārāyaṇōdbhūtā Nārasiṃhī Prakīrtitā ।
Daityapramāthinī Śaṅkhachakrapadmagadādharā ॥ 101॥
Saṅkarṣaṇasamutpannā Ambikā Sajjanāśrayā ।
Suvṛtā Sundarī Chaiva Dharmakāmārthadāyinī ॥ 102॥
Mōkṣadā Bhaktinilayā Purāṇapuruṣādṛtā ।
Mahāvibhūtidā''rādhyā Sarōjanilayā'samā ॥ 103॥
Aṣṭādaśabhujā'nādirnīlōtpaladalākṣiṇī ।
Sarvaśaktisamārūḍhā Dharmādharmavivarjitā ॥ 104॥
Vairāgyajñānaniratā Nirālōkā Nirindriyā ।
Vichitragahanādhārā Śāśvatasthānavāsinī ॥ 105॥
Jñānēśvarī Pītachēlā Vēdavēdāṅgapāragā ।
Manasvinī Manyumātā Mahāmanyusamudbhavā ॥ 106॥
Amanyuramṛtāsvādā Purandarapariṣṭutā ।
Aśōchyā Bhinnaviṣayā Hiraṇyarajatapriyā ॥ 107॥
Hiraṇyajananī Bhīmā Hēmābharaṇabhūṣitā ।
Vibhrājamānā Durjñēyā Jyōtiṣṭōmaphalapradā ॥ 108॥
Mahānidrāsamutpattiranidrā Satyadēvatā ।
Dīrghā Kakudminī Piṅgajaṭādhārā Manōjñadhīḥ ॥ 109॥
Mahāśrayā Ramōtpannā Tamaḥpārē Pratiṣṭhitā ।
Tritattvamātā Trividhā Susūkṣmā Padmasaṃśrayā ॥ 110॥
Śāntyatītakalā'tītavikārā Śvētachēlikā ।
Chitramāyā Śivajñānasvarūpā Daityamāthinī ॥ 111॥
Kāśyapī Kālasarpābhavēṇikā Śāstrayōnikā ।
Trayīmūrtiḥ Kriyāmūrtiśchaturvargā Cha Darśinī ॥ 112॥
Nārāyaṇī Narōtpannā Kaumudī Kāntidhāriṇī ।
Kauśikī Lalitā Līlā Parāvaravibhāvinī ॥ 113॥
Varēṇyā'dbhutamahātmyā Vaḍavā Vāmalōchanā ।
Subhadrā Chētanārādhyā Śāntidā Śāntivardhinī ॥ 114॥
Jayādiśaktijananī Śaktichakrapravartikā ।
Triśaktijananī Janyā Ṣaṭsūtraparivarṇitā ॥ 115॥
Sudhautakarmaṇā''rādhyā Yugāntadahanātmikā ।
Saṅkarṣiṇī Jagaddhātrī Kāmayōniḥ Kirīṭinī ॥ 116॥
Aindrī Trailōkyanamitā Vaiṣṇavī Paramēśvarī ।
Pradyumnajananī Bimbasamōṣṭhī Padmalōchanā ॥ 117॥
Madōtkaṭā Haṃsagatiḥ Prachaṇḍā Chaṇḍavikramā ।
Vṛṣādhīśā Parātmā Cha Vindhyā Parvatavāsinī ॥ 118॥
Himavanmērunilayā Kailāsapuravāsinī ।
Chāṇūrahantrī Nītijñā Kāmarūpā Trayītanuḥ ॥ 119॥
Vratasnātā Dharmaśīlā Siṃhāsananivāsinī ।
Vīrabhadrādṛtā Vīrā Mahākālasamudbhavā ॥ 120॥
Vidyādharārchitā Siddhasādhyārādhitapādukā ।
Śraddhātmikā Pāvanī Cha Mōhinī Achalātmikā ॥ 121॥
Mahādbhutā Vārijākṣī Siṃhavāhanagāminī ।
Manīṣiṇī Sudhāvāṇī Vīṇāvādanatatparā ॥ 122॥
Śvētavāhaniṣēvyā Cha Lasanmatirarundhatī ।
Hiraṇyākṣī Tathā Chaiva Mahānandapradāyinī ॥ 123॥
Vasuprabhā Sumālyāptakandharā Paṅkajānanā ।
Parāvarā Varārōhā Sahasranayanārchitā ॥ 124॥
Śrīrūpā Śrīmatī Śrēṣṭhā Śivanāmnī Śivapriyā ।
Śrīpradā Śritakalyāṇā Śrīdharārdhaśarīriṇī ॥ 125॥
Śrīkalā'nantadṛṣṭiścha Hyakṣudrārātisūdanī ।
Raktabījanihantrī Cha Daityasaṅgavimardinī ॥ 126॥
Siṃhārūḍhā Siṃhikāsyā Daityaśōṇitapāyinī ।
Sukīrtisahitāchchinnasaṃśayā Rasavēdinī ॥ 127॥
Guṇābhirāmā Nāgārivāhanā Nirjarārchitā ।
Nityōditā Svayañjyōtiḥ Svarṇakāyā Prakīrtitā ॥ 128॥
Vajradaṇḍāṅkitā Chaiva Tathāmṛtasañjīvinī ।
Vajrachchannā Dēvadēvī Varavajrasvavigrahā ॥ 129॥
Māṅgalyā Maṅgalātmā Cha Mālinī Mālyadhāriṇī ।
Gandharvī Taruṇī Chāndrī Khaḍgāyudhadharā Tathā ॥ 130॥
Saudāminī Prajānandā Tathā Prōktā Bhṛgūdbhavā ।
Ēkānaṅgā Cha Śāstrārthakuśalā Dharmachāriṇī ॥ 131॥
Dharmasarvasvavāhā Cha Dharmādharmaviniśchayā ।
Dharmaśaktirdharmamayā Dhārmikānāṃ Śivapradā ॥ 132॥
Vidharmā Viśvadharmajñā Dharmārthāntaravigrahā ।
Dharmavarṣmā Dharmapūrvā Dharmapāraṅgatāntarā ॥ 133॥
Dharmōpadēṣṭrī Dharmātmā Dharmagamyā Dharādharā ।
Kapālinī Śākalinī Kalākalitavigrahā ॥ 134॥
Sarvaśaktivimuktā Cha Karṇikāradharā'kṣarā।
Kaṃsaprāṇaharā Chaiva Yugadharmadharā Tathā ॥ 135॥
Yugapravartikā Prōktā Trisandhyā Dhyēyavigrahā ।
Svargāpavargadātrī Cha Tathā Pratyakṣadēvatā ॥ 136॥
Ādityā Divyagandhā Cha Divākaranibhaprabhā ।
Padmāsanagatā Prōktā Khaḍgabāṇaśarāsanā ॥ 137॥
Śiṣṭā Viśiṣṭā Śiṣṭēṣṭā Śiṣṭaśrēṣṭhaprapūjitā ।
Śatarūpā Śatāvartā Vitatā Rāsamōdinī ॥ 138॥
Sūryēndunētrā Pradyumnajananī Suṣṭhumāyinī ।
Sūryāntarasthitā Chaiva Satpratiṣṭhatavigrahā ॥ 139॥
Nivṛttā Prōchyatē Jñānapāragā Parvatātmajā ।
Kātyāyanī Chaṇḍikā Cha Chaṇḍī Haimavatī Tathā ॥ 140॥
Dākṣāyaṇī Satī Chaiva Bhavānī Sarvamaṅgalā ।
Dhūmralōchanahantrī Cha Chaṇḍamuṇḍavināśinī ॥ 141॥
Yōganidrā Yōgabhadrā Samudratanayā Tathā ।
Dēvapriyaṅkarī Śuddhā Bhaktabhaktipravardhinī ॥ 142॥
Triṇētrā Chandramukuṭā Pramathārchitapādukā ।
Arjunābhīṣṭadātrī Cha Pāṇḍavapriyakāriṇī ॥ 143॥
Kumāralālanāsaktā Harabāhūpadhānikā ।
Vighnēśajananī Bhaktavighnastōmaprahāriṇī ॥ 144॥
Susmitēndumukhī Namyā Jayāpriyasakhī Tathā ।
Anādinidhanā Prēṣṭhā Chitramālyānulēpanā ॥ 145॥
Kōṭichandrapratīkāśā Kūṭajālapramāthinī ।
Kṛtyāprahāriṇī Chaiva Māraṇōchchāṭanī Tathā ॥ 146॥
Surāsurapravandyāṅghrirmōhaghnī Jñānadāyinī ।
Ṣaḍvairinigrahakarī Vairividrāviṇī Tathā ॥ 147॥
Bhūtasēvyā Bhūtadātrī Bhūtapīḍāvimardikā ।
Nāradastutachāritrā Varadēśā Varapradā ॥ 148॥
Vāmadēvastutā Chaiva Kāmadā Sōmaśēkharā ।
Dikpālasēvitā Bhavyā Bhāminī Bhāvadāyinī ॥ 149॥
Strīsaubhāgyapradātrī Cha Bhōgadā Rōganāśinī ।
Vyōmagā Bhūmigā Chaiva Munipūjyapadāmbujā ।
Vanadurgā Cha Durbōdhā Mahādurgā Prakīrtitā ॥ 150॥
Phalaśrutiḥ
Itīdaṃ Kīrtidaṃ Bhadra Durgānāmasahasrakam ।
Trisandhyaṃ Yaḥ Paṭhēnnityaṃ Tasya Lakṣmīḥ Sthirā Bhavēt ॥ 1॥
Grahabhūtapiśāchādipīḍā Naśyatyasaṃśayam ।
Bālagrahādipīḍāyāḥ Śāntirbhavati Kīrtanāt ॥ 2॥
Mārikādimahārōgē Paṭhatāṃ Saukhyadaṃ Nṛṇām ।
Vyavahārē Cha Jayadaṃ Śatrubādhānivārakam ॥ 3॥
Dampatyōḥ Kalahē Prāptē Mithaḥ Prēmābhivardhakam ।
Āyurārōgyadaṃ Puṃsāṃ Sarvasampatpradāyakam ॥ 4॥
Vidyābhivardhakaṃ Nityaṃ Paṭhatāmarthasādhakam ।
Śubhadaṃ Śubhakāryēṣu Paṭhatāṃ Śṛṇutāmapi ॥ 5॥
Yaḥ Pūjayati Durgāṃ Tāṃ Durgānāmasahasrakaiḥ ।
Puṣpaiḥ Kuṅkumasammiśraiḥ Sa Tu Yatkāṅkṣatē Hṛdi ॥ 6॥
Tatsarvaṃ Samavāpnōti Nāsti Nāstyatra Saṃśayaḥ ।
Yanmukhē Dhriyatē Nityaṃ Durgānāmasahasrakam ॥ 7॥
Kiṃ Tasyētaramantraughaiḥ Kāryaṃ Dhanyatamasya Hi ।
Durgānāmasahasrasya Pustakaṃ Yadgṛhē Bhavēt ॥ 8॥
Na Tatra Grahabhūtādibādhā Syānmaṅgalāspadē ।
Tadgṛhaṃ Puṇyadaṃ Kṣētraṃ Dēvīsānnidhyakārakam ॥ 9॥
Ētasya Stōtramukhyasya Pāṭhakaḥ Śrēṣṭhamantravit ।
Dēvatāyāḥ Prasādēna Sarvapūjyaḥ Sukhī Bhavēt ॥ 10॥
Ityētannagarājēna Kīrtitaṃ Munisattama ।
Guhyādguhyataraṃ Stōtraṃ Tvayi Snēhāt Prakīrtitam ॥ 11॥
Bhaktāya Śraddhadhānāya Kēvalaṃ Kīrtyatāmidam ।
Hṛdi Dhāraya Nityaṃ Tvaṃ Dēvyanugrahasādhakam ॥ 12॥ ॥
Iti Śrīskāndapurāṇē Skandanāradasaṃvādē Durgāsahasranāmastōtraṃ Sampūrṇam ॥
Post a Comment