శ్రీ దుర్గా నక్షత్ర మాలికా స్తుతి
విరాటనగరం రమ్యం గచ్ఛమానో యుధిష్ఠిరః ।
అస్తువన్మనసా దేవీం దుర్గాం త్రిభువనేశ్వరీమ్ ॥ 1 ॥
యశోదాగర్భసంభూతాం నారాయణవరప్రియామ్ ।
నందగోపకులేజాతాం మంగళ్యాం కులవర్ధనీమ్ ॥ 2 ॥
కంసవిద్రావణకరీం అసురాణాం క్షయంకరీమ్ ।
శిలాతటవినిక్షిప్తాం ఆకాశం ప్రతిగామినీమ్ ॥ 3 ॥
వాసుదేవస్య భగినీం దివ్యమాల్య విభూషితామ్ ।
దివ్యాంబరధరాం దేవీం ఖడ్గఖేటకధారిణీమ్ ॥ 4 ॥
భారావతరణే పుణ్యే యే స్మరంతి సదాశివామ్ ।
తాన్వై తారయతే పాపాత్ పంకేగామివ దుర్బలామ్ ॥ 5 ॥
స్తోతుం ప్రచక్రమే భూయో వివిధైః స్తోత్రసంభవైః ।
ఆమంత్ర్య దర్శనాకాంక్షీ రాజా దేవీం సహానుజః ॥ 6 ॥
నమోఽస్తు వరదే కృష్ణే కుమారి బ్రహ్మచారిణి ।
బాలార్క సదృశాకారే పూర్ణచంద్రనిభాననే ॥ 7 ॥
చతుర్భుజే చతుర్వక్త్రే పీనశ్రోణిపయోధరే ।
మయూరపింఛవలయే కేయూరాంగదధారిణి ॥ 8 ॥
భాసి దేవి యదా పద్మా నారాయణపరిగ్రహః ।
స్వరూపం బ్రహ్మచర్యం చ విశదం తవ ఖేచరి ॥ 9 ॥
కృష్ణచ్ఛవిసమా కృష్ణా సంకర్షణసమాననా ।
బిభ్రతీ విపులౌ బాహూ శక్రధ్వజసముచ్ఛ్రయౌ ॥ 10 ॥
పాత్రీ చ పంకజీ కంఠీ స్త్రీ విశుద్ధా చ యా భువి ।
పాశం ధనుర్మహాచక్రం వివిధాన్యాయుధాని చ ॥ 11 ॥
కుండలాభ్యాం సుపూర్ణాభ్యాం కర్ణాభ్యాం చ విభూషితా ।
చంద్రవిస్పార్ధినా దేవి ముఖేన త్వం విరాజసే ॥ 12 ॥
ముకుటేన విచిత్రేణ కేశబంధేన శోభినా ।
భుజంగాఽభోగవాసేన శ్రోణిసూత్రేణ రాజతా ॥ 13 ॥
భ్రాజసే చావబద్ధేన భోగేనేవేహ మందరః ।
ధ్వజేన శిఖిపింఛానాం ఉచ్ఛ్రితేన విరాజసే ॥ 14 ॥
కౌమారం వ్రతమాస్థాయ త్రిదివం పావితం త్వయా ।
తేన త్వం స్తూయసే దేవి త్రిదశైః పూజ్యసేఽపి చ ॥ 15 ॥
త్రైలోక్య రక్షణార్థాయ మహిషాసురనాశిని ।
ప్రసన్నా మే సురశ్రేష్ఠే దయాం కురు శివా భవ ॥ 16 ॥
జయా త్వం విజయా చైవ సంగ్రామే చ జయప్రదా ।
మమాఽపి విజయం దేహి వరదా త్వం చ సాంప్రతమ్ ॥ 17 ॥
వింధ్యే చైవ నగశ్రేష్టే తవ స్థానం హి శాశ్వతమ్ ।
కాళి కాళి మహాకాళి సీధుమాంస పశుప్రియే ॥ 18 ॥
కృతానుయాత్రా భూతైస్త్వం వరదా కామచారిణి ।
భారావతారే యే చ త్వాం సంస్మరిష్యంతి మానవాః ॥ 19 ॥
ప్రణమంతి చ యే త్వాం హి ప్రభాతే తు నరా భువి ।
న తేషాం దుర్లభం కించిత్ పుత్రతో ధనతోఽపి వా ॥ 20 ॥
దుర్గాత్తారయసే దుర్గే తత్వం దుర్గా స్మృతా జనైః ।
కాంతారేష్వవపన్నానాం మగ్నానాం చ మహార్ణవే ॥ 21 ॥
(దస్యుభిర్వా నిరుద్ధానాం త్వం గతిః పరమా నృణామ)
జలప్రతరణే చైవ కాంతారేష్వటవీషు చ ।
యే స్మరంతి మహాదేవీం న చ సీదంతి తే నరాః ॥ 22 ॥
త్వం కీర్తిః శ్రీర్ధృతిః సిద్ధిః హ్రీర్విద్యా సంతతిర్మతిః ।
సంధ్యా రాత్రిః ప్రభా నిద్రా జ్యోత్స్నా కాంతిః క్షమా దయా ॥ 23 ॥
నృణాం చ బంధనం మోహం పుత్రనాశం ధనక్షయమ్ ।
వ్యాధిం మృత్యుం భయం చైవ పూజితా నాశయిష్యసి ॥ 24 ॥
సోఽహం రాజ్యాత్పరిభ్రష్టః శరణం త్వాం ప్రపన్నవాన్ ।
ప్రణతశ్చ యథా మూర్ధ్నా తవ దేవి సురేశ్వరి ॥ 25 ॥
త్రాహి మాం పద్మపత్రాక్షి సత్యే సత్యా భవస్వ నః ।
శరణం భవ మే దుర్గే శరణ్యే భక్తవత్సలే ॥ 26 ॥
ఏవం స్తుతా హి సా దేవీ దర్శయామాస పాండవమ్ ।
ఉపగమ్య తు రాజానమిదం వచనమబ్రవీత్ ॥ 27 ॥
శృణు రాజన్ మహాబాహో మదీయం వచనం ప్రభో ।
భవిష్యత్యచిరాదేవ సంగ్రామే విజయస్తవ ॥ 28 ॥
మమ ప్రసాదాన్నిర్జిత్య హత్వా కౌరవ వాహినీమ్ ।
రాజ్యం నిష్కంటకం కృత్వా భోక్ష్యసే మేదినీం పునః ॥ 29 ॥
భ్రాతృభిః సహితో రాజన్ ప్రీతిం ప్రాప్స్యసి పుష్కలామ్ ।
మత్ప్రసాదాచ్చ తే సౌఖ్యం ఆరోగ్యం చ భవిష్యతి ॥ 30 ॥
యే చ సంకీర్తయిష్యంతి లోకే విగతకల్మషాః ।
తేషాం తుష్టా ప్రదాస్యామి రాజ్యమాయుర్వపుస్సుతమ్ ॥ 31 ॥
ప్రవాసే నగరే చాపి సంగ్రామే శత్రుసంకటే ।
అటవ్యాం దుర్గకాంతారే సాగరే గహనే గిరౌ ॥ 32 ॥
యే స్మరిష్యంతి మాం రాజన్ యథాహం భవతా స్మృతా ।
న తేషాం దుర్లభం కించిదస్మిన్ లోకే భవిష్యతి ॥ 33 ॥
య ఇదం పరమస్తోత్రం భక్త్యా శృణుయాద్వా పఠేత వా ।
తస్య సర్వాణి కార్యాణి సిధ్ధిం యాస్యంతి పాండవాః ॥ 34 ॥
మత్ప్రసాదాచ్చ వస్సర్వాన్ విరాటనగరే స్థితాన్ ।
న ప్రజ్ఞాస్యంతి కురవః నరా వా తన్నివాసినః ॥ 35 ॥
ఇత్యుక్త్వా వరదా దేవీ యుధిష్ఠిరమరిందమమ్ ।
రక్షాం కృత్వా చ పాండూనాం తత్రైవాంతరధీయత ॥ 38 ॥
Sree Durga Nakshatra Malika Stuti
Virāṭanagaraṃ Ramyaṃ Gachchamānō Yudhiṣṭhiraḥ ।
Astuvanmanasā Dēvīṃ Durgāṃ Tribhuvanēśvarīm ॥ 1 ॥
Yaśōdāgarbhasambhūtāṃ Nārāyaṇavarapriyām ।
Nandagōpakulējātāṃ Maṅgaḻyāṃ Kulavardhanīm ॥ 2 ॥
Kaṃsavidrāvaṇakarīṃ Asurāṇāṃ Kṣayaṅkarīm ।
Śilātaṭavinikṣiptāṃ Ākāśaṃ Pratigāminīm ॥ 3 ॥
Vāsudēvasya Bhaginīṃ Divyamālya Vibhūṣitām ।
Divyāmbaradharāṃ Dēvīṃ Khaḍgakhēṭakadhāriṇīm ॥ 4 ॥
Bhārāvataraṇē Puṇyē Yē Smaranti Sadāśivām ।
Tānvai Tārayatē Pāpāt Paṅkēgāmiva Durbalām ॥ 5 ॥
Stōtuṃ Prachakramē Bhūyō Vividhaiḥ Stōtrasambhavaiḥ ।
Āmantrya Darśanākāṅkṣī Rājā Dēvīṃ Sahānujaḥ ॥ 6 ॥
Namō'stu Varadē Kṛṣṇē Kumāri Brahmachāriṇi ।
Bālārka Sadṛśākārē Pūrṇachandranibhānanē ॥ 7 ॥
Chaturbhujē Chaturvaktrē Pīnaśrōṇipayōdharē ।
Mayūrapiñchavalayē Kēyūrāṅgadadhāriṇi ॥ 8 ॥
Bhāsi Dēvi Yadā Padmā Nārāyaṇaparigrahaḥ ।
Svarūpaṃ Brahmacharyaṃ Cha Viśadaṃ Tava Khēchari ॥ 9 ॥
Kṛṣṇachchavisamā Kṛṣṇā Saṅkarṣaṇasamānanā ।
Bibhratī Vipulau Bāhū Śakradhvajasamuchchrayau ॥ 10 ॥
Pātrī Cha Paṅkajī Kaṇṭhī Strī Viśuddhā Cha Yā Bhuvi ।
Pāśaṃ Dhanurmahāchakraṃ Vividhānyāyudhāni Cha ॥ 11 ॥
Kuṇḍalābhyāṃ Supūrṇābhyāṃ Karṇābhyāṃ Cha Vibhūṣitā ।
Chandravispārdhinā Dēvi Mukhēna Tvaṃ Virājasē ॥ 12 ॥
Mukuṭēna Vichitrēṇa Kēśabandhēna Śōbhinā ।
Bhujaṅgā'bhōgavāsēna Śrōṇisūtrēṇa Rājatā ॥ 13 ॥
Bhrājasē Chāvabaddhēna Bhōgēnēvēha Mandaraḥ ।
Dhvajēna Śikhipiñchānāṃ Uchchritēna Virājasē ॥ 14 ॥
Kaumāraṃ Vratamāsthāya Tridivaṃ Pāvitaṃ Tvayā ।
Tēna Tvaṃ Stūyasē Dēvi Tridaśaiḥ Pūjyasē'pi Cha ॥ 15 ॥
Trailōkya Rakṣaṇārthāya Mahiṣāsuranāśini ।
Prasannā Mē Suraśrēṣṭhē Dayāṃ Kuru Śivā Bhava ॥ 16 ॥
Jayā Tvaṃ Vijayā Chaiva Saṅgrāmē Cha Jayapradā ।
Mamā'pi Vijayaṃ Dēhi Varadā Tvaṃ Cha Sāmpratam ॥ 17 ॥
Vindhyē Chaiva Nagaśrēṣṭē Tava Sthānaṃ Hi Śāśvatam ।
Kāḻi Kāḻi Mahākāḻi Sīdhumāṃsa Paśupriyē ॥ 18 ॥
Kṛtānuyātrā Bhūtaistvaṃ Varadā Kāmachāriṇi ।
Bhārāvatārē Yē Cha Tvāṃ Saṃsmariṣyanti Mānavāḥ ॥ 19 ॥
Praṇamanti Cha Yē Tvāṃ Hi Prabhātē Tu Narā Bhuvi ।
Na Tēṣāṃ Durlabhaṃ Kiñchit Putratō Dhanatō'pi Vā ॥ 20 ॥
Durgāttārayasē Durgē Tatvaṃ Durgā Smṛtā Janaiḥ ।
Kāntārēṣvavapannānāṃ Magnānāṃ Cha Mahārṇavē ॥ 21 ॥
(Dasyubhirvā Niruddhānāṃ Tvaṃ Gatiḥ Paramā Nṛṇāma)
Jalaprataraṇē Chaiva Kāntārēṣvaṭavīṣu Cha ।
Yē Smaranti Mahādēvīṃ Na Cha Sīdanti Tē Narāḥ ॥ 22 ॥
Tvaṃ Kīrtiḥ Śrīrdhṛtiḥ Siddhiḥ Hrīrvidyā Santatirmatiḥ ।
Sandhyā Rātriḥ Prabhā Nidrā Jyōtsnā Kāntiḥ Kṣamā Dayā ॥ 23 ॥
Nṛṇāṃ Cha Bandhanaṃ Mōhaṃ Putranāśaṃ Dhanakṣayam ।
Vyādhiṃ Mṛtyuṃ Bhayaṃ Chaiva Pūjitā Nāśayiṣyasi ॥ 24 ॥
Sō'haṃ Rājyātparibhraṣṭaḥ Śaraṇaṃ Tvāṃ Prapannavān ।
Praṇataścha Yathā Mūrdhnā Tava Dēvi Surēśvari ॥ 25 ॥
Trāhi Māṃ Padmapatrākṣi Satyē Satyā Bhavasva Naḥ ।
Śaraṇaṃ Bhava Mē Durgē Śaraṇyē Bhaktavatsalē ॥ 26 ॥
Ēvaṃ Stutā Hi Sā Dēvī Darśayāmāsa Pāṇḍavam ।
Upagamya Tu Rājānamidaṃ Vachanamabravīt ॥ 27 ॥
Śṛṇu Rājan Mahābāhō Madīyaṃ Vachanaṃ Prabhō ।
Bhaviṣyatyachirādēva Saṅgrāmē Vijayastava ॥ 28 ॥
Mama Prasādānnirjitya Hatvā Kaurava Vāhinīm ।
Rājyaṃ Niṣkaṇṭakaṃ Kṛtvā Bhōkṣyasē Mēdinīṃ Punaḥ ॥ 29 ॥
Bhrātṛbhiḥ Sahitō Rājan Prītiṃ Prāpsyasi Puṣkalām ।
Matprasādāchcha Tē Saukhyaṃ Ārōgyaṃ Cha Bhaviṣyati ॥ 30 ॥
Yē Cha Saṅkīrtayiṣyanti Lōkē Vigatakalmaṣāḥ ।
Tēṣāṃ Tuṣṭā Pradāsyāmi Rājyamāyurvapussutam ॥ 31 ॥
Pravāsē Nagarē Chāpi Saṅgrāmē Śatrusaṅkaṭē ।
Aṭavyāṃ Durgakāntārē Sāgarē Gahanē Girau ॥ 32 ॥
Yē Smariṣyanti Māṃ Rājan Yathāhaṃ Bhavatā Smṛtā ।
Na Tēṣāṃ Durlabhaṃ Kiñchidasmin Lōkē Bhaviṣyati ॥ 33 ॥
Ya Idaṃ Paramastōtraṃ Bhaktyā Śṛṇuyādvā Paṭhēta Vā ।
Tasya Sarvāṇi Kāryāṇi Sidhdhiṃ Yāsyanti Pāṇḍavāḥ ॥ 34 ॥
Matprasādāchcha Vassarvān Virāṭanagarē Sthitān ।
Na Prajñāsyanti Kuravaḥ Narā Vā Tannivāsinaḥ ॥ 35 ॥
Ityuktvā Varadā Dēvī Yudhiṣṭhiramarindamam ।
Rakṣāṃ Kṛtvā Cha Pāṇḍūnāṃ Tatraivāntaradhīyata ॥ 38 ॥
Post a Comment