భవానీ అష్టకం
న తాతో న మాతా న బంధుర్న దాతా
న పుత్రో న పుత్రీ న భృత్యో న భర్తా
న జాయా న విద్యా న వృత్తిర్మమైవ
గతిస్త్వం గతిస్త్వం త్వమేకా భవాని ॥ 1 ॥
భవాబ్ధావపారే మహాదుఃఖభీరు
పపాత ప్రకామీ ప్రలోభీ ప్రమత్తః
కుసంసారపాశప్రబద్ధః సదాహం
గతిస్త్వం గతిస్త్వం త్వమేకా భవాని ॥ 2 ॥
న జానామి దానం న చ ధ్యానయోగం
న జానామి తంత్రం న చ స్తోత్రమంత్రం
న జానామి పూజాం న చ న్యాసయోగం
గతిస్త్వం గతిస్త్వం త్వమేకా భవాని ॥ 3 ॥
న జానామి పుణ్యం న జానామి తీర్థం
న జానామి ముక్తిం లయం వా కదాచిత్
న జానామి భక్తిం వ్రతం వాపి మాతః
గతిస్త్వం గతిస్త్వం త్వమేకా భవాని ॥ 4 ॥
కుకర్మీ కుసంగీ కుబుద్ధిః కుదాసః
కులాచారహీనః కదాచారలీనః
కుదృష్టిః కువాక్యప్రబంధః సదాహం
గతిస్త్వం గతిస్త్వం త్వమేకా భవాని ॥ 5 ॥
ప్రజేశం రమేశం మహేశం సురేశం
దినేశం నిశీథేశ్వరం వా కదాచిత్
న జానామి చాన్యత్ సదాహం శరణ్యే
గతిస్త్వం గతిస్త్వం త్వమేకా భవాని ॥ 6 ॥
వివాదే విషాదే ప్రమాదే ప్రవాసే
జలే చానలే పర్వతే శత్రుమధ్యే
అరణ్యే శరణ్యే సదా మాం ప్రపాహి
గతిస్త్వం గతిస్త్వం త్వమేకా భవాని ॥ 7 ॥
అనాథో దరిద్రో జరారోగయుక్తో
మహాక్షీణదీనః సదా జాడ్యవక్త్రః
విపత్తౌ ప్రవిష్టః ప్రనష్టః సదాహం
గతిస్త్వం గతిస్త్వం త్వమేకా భవాని ॥ 8 ॥
॥ ఇతి శ్రీమదాదిశంకరాచార్యవిరచితం భవాన్యష్టకం సంపూర్ణమ్ ॥
Bhavani Ashtakam
Na Tātō Na Mātā Na Bandhurna Dātā
Na Putrō Na Putrī Na Bhṛtyō Na Bhartā
Na Jāyā Na Vidyā Na Vṛttirmamaiva
Gatistvaṃ Gatistvaṃ Tvamēkā Bhavāni ॥ 1 ॥
Bhavābdhāvapārē Mahāduḥkhabhīru
Papāta Prakāmī Pralōbhī Pramattaḥ
Kusaṃsārapāśaprabaddhaḥ Sadāhaṃ
Gatistvaṃ Gatistvaṃ Tvamēkā Bhavāni ॥ 2 ॥
Na Jānāmi Dānaṃ Na Cha Dhyānayōgaṃ
Na Jānāmi Tantraṃ Na Cha Stōtramantram
Na Jānāmi Pūjāṃ Na Cha Nyāsayōgaṃ
Gatistvaṃ Gatistvaṃ Tvamēkā Bhavāni ॥ 3 ॥
Na Jānāmi Puṇyaṃ Na Jānāmi Tīrthaṃ
Na Jānāmi Muktiṃ Layaṃ Vā Kadāchit
Na Jānāmi Bhaktiṃ Vrataṃ Vāpi Mātaḥ
Gatistvaṃ Gatistvaṃ Tvamēkā Bhavāni ॥ 4 ॥
Kukarmī Kusaṅgī Kubuddhiḥ Kudāsaḥ
Kulāchārahīnaḥ Kadāchāralīnaḥ
Kudṛṣṭiḥ Kuvākyaprabandhaḥ Sadāhaṃ
Gatistvaṃ Gatistvaṃ Tvamēkā Bhavāni ॥ 5 ॥
Prajēśaṃ Ramēśaṃ Mahēśaṃ Surēśaṃ
Dinēśaṃ Niśīthēśvaraṃ Vā Kadāchit
Na Jānāmi Chānyat Sadāhaṃ Śaraṇyē
Gatistvaṃ Gatistvaṃ Tvamēkā Bhavāni ॥ 6 ॥
Vivādē Viṣādē Pramādē Pravāsē
Jalē Chānalē Parvatē Śatrumadhyē
Araṇyē Śaraṇyē Sadā Māṃ Prapāhi
Gatistvaṃ Gatistvaṃ Tvamēkā Bhavāni ॥ 7 ॥
Anāthō Daridrō Jarārōgayuktō
Mahākṣīṇadīnaḥ Sadā Jāḍyavaktraḥ
Vipattau Praviṣṭaḥ Pranaṣṭaḥ Sadāhaṃ
Gatistvaṃ Gatistvaṃ Tvamēkā Bhavāni ॥ 8 ॥
॥ Iti Śrīmadādiśaṅkarāchāryavirachitaṃ Bhavānyaṣṭakaṃ Sampūrṇam ॥
Post a Comment