సర్వదేవ కృత శ్రీ లక్ష్మీ స్తోత్రం
క్షమస్వ భగవత్యంబ క్షమా శీలే పరాత్పరే।
శుద్ధ సత్వ స్వరూపేచ కోపాది పరి వర్జితే॥
ఉపమే సర్వ సాధ్వీనాం దేవీనాం దేవ పూజితే।
త్వయా వినా జగత్సర్వం మృత తుల్యంచ నిష్ఫలం।
సర్వ సంపత్స్వరూపాత్వం సర్వేషాం సర్వ రూపిణీ।
రాసేశ్వర్యధి దేవీత్వం త్వత్కలాః సర్వయోషితః॥
కైలాసే పార్వతీ త్వంచ క్షీరోధే సింధు కన్యకా।
స్వర్గేచ స్వర్గ లక్ష్మీ స్త్వం మర్త్య లక్ష్మీశ్చ భూతలే॥
వైకుంఠేచ మహాలక్ష్మీః దేవదేవీ సరస్వతీ।
గంగాచ తులసీత్వంచ సావిత్రీ బ్రహ్మ లోకతః॥
కృష్ణ ప్రాణాధి దేవీత్వం గోలోకే రాధికా స్వయం।
రాసే రాసేశ్వరీ త్వంచ బృందా బృందావనే వనే॥
కృష్ణ ప్రియా త్వం భాండీరే చంద్రా చందన కాననే।
విరజా చంపక వనే శత శృంగేచ సుందరీ।
పద్మావతీ పద్మ వనే మాలతీ మాలతీ వనే।
కుంద దంతీ కుందవనే సుశీలా కేతకీ వనే॥
కదంబ మాలా త్వం దేవీ కదంబ కాననే2పిచ।
రాజలక్ష్మీః రాజ గేహే గృహలక్ష్మీ ర్గృహే గృహే॥
ఇత్యుక్త్వా దేవతాస్సర్వాః మునయో మనవస్తథా।
రూరూదుర్న మ్రవదనాః శుష్క కంఠోష్ఠ తాలుకాః॥
ఇతి లక్ష్మీ స్తవం పుణ్యం సర్వదేవైః కృతం శుభం।
యః పఠేత్ప్రాతరుత్థాయ సవైసర్వం లభేద్ధ్రువం॥
అభార్యో లభతే భార్యాం వినీతాం సుసుతాం సతీం।
సుశీలాం సుందరీం రమ్యామతి సుప్రియవాదినీం॥
పుత్ర పౌత్ర వతీం శుద్ధాం కులజాం కోమలాం వరాం।
అపుత్రో లభతే పుత్రం వైష్ణవం చిరజీవినం॥
పరమైశ్వర్య యుక్తంచ విద్యావంతం యశస్వినం।
భ్రష్టరాజ్యో లభేద్రాజ్యం భ్రష్ట శ్రీర్లభేతే శ్రియం॥
హత బంధుర్లభేద్బంధుం ధన భ్రష్టో ధనం లభేత్॥
కీర్తి హీనో లభేత్కీర్తిం ప్రతిష్ఠాంచ లభేద్ధ్రువం॥
సర్వ మంగళదం స్తోత్రం శోక సంతాప నాశనం।
హర్షానందకరం శాశ్వద్ధర్మ మోక్ష సుహృత్పదం॥
॥ ఇతి సర్వ దేవ కృత లక్ష్మీ స్తోత్రం సంపూర్ణమ్ ॥
Sarvadeva Kruta Sri Lakshmi Stotram
Kṣamasva Bhagavatyamba Kṣamā Śīlē Parātparē।
Śuddha Satva Svarūpēcha Kōpādi Pari Varjitē॥
Upamē Sarva Sādhvīnāṃ Dēvīnāṃ Dēva Pūjitē।
Tvayā Vinā Jagatsarvaṃ Mṛta Tulyañcha Niṣphalam।
Sarva Sampatsvarūpātvaṃ Sarvēṣāṃ Sarva Rūpiṇī।
Rāsēśvaryadhi Dēvītvaṃ Tvatkalāḥ Sarvayōṣitaḥ॥
Kailāsē Pārvatī Tvañcha Kṣīrōdhē Sindhu Kanyakā।
Svargēcha Svarga Lakṣmī Stvaṃ Martya Lakṣmīścha Bhūtalē॥
Vaikuṇṭhēcha Mahālakṣmīḥ Dēvadēvī Sarasvatī।
Gaṅgācha Tulasītvañcha Sāvitrī Brahma Lōkataḥ॥
Kṛṣṇa Prāṇādhi Dēvītvaṃ Gōlōkē Rādhikā Svayam।
Rāsē Rāsēśvarī Tvañcha Bṛndā Bṛndāvanē Vanē॥
Kṛṣṇa Priyā Tvaṃ Bhāṇḍīrē Chandrā Chandana Kānanē।
Virajā Champaka Vanē Śata Śṛṅgēcha Sundarī।
Padmāvatī Padma Vanē Mālatī Mālatī Vanē।
Kunda Dantī Kundavanē Suśīlā Kētakī Vanē॥
Kadamba Mālā Tvaṃ Dēvī Kadamba Kānanē2picha।
Rājalakṣmīḥ Rāja Gēhē Gṛhalakṣmī Rgṛhē Gṛhē॥
Ityuktvā Dēvatāssarvāḥ Munayō Manavastathā।
Rūrūdurna Mravadanāḥ Śuṣka Kaṇṭhōṣṭha Tālukāḥ॥
Iti Lakṣmī Stavaṃ Puṇyaṃ Sarvadēvaiḥ Kṛtaṃ Śubham।
Yaḥ Paṭhētprātarutthāya Savaisarvaṃ Labhēddhruvam॥
Abhāryō Labhatē Bhāryāṃ Vinītāṃ Susutāṃ Satīm।
Suśīlāṃ Sundarīṃ Ramyāmati Supriyavādinīm॥
Putra Pautra Vatīṃ Śuddhāṃ Kulajāṃ Kōmalāṃ Varām।
Aputrō Labhatē Putraṃ Vaiṣṇavaṃ Chirajīvinam॥
Paramaiśvarya Yuktañcha Vidyāvantaṃ Yaśasvinam।
Bhraṣṭarājyō Labhēdrājyaṃ Bhraṣṭa Śrīrlabhētē Śriyam॥
Hata Bandhurlabhēdbandhuṃ Dhana Bhraṣṭō Dhanaṃ Labhēt॥
Kīrti Hīnō Labhētkīrtiṃ Pratiṣṭhāñcha Labhēddhruvam॥
Sarva Maṅgaḻadaṃ Stōtraṃ Śōka Santāpa Nāśanam।
Harṣānandakaraṃ Śāśvaddharma Mōkṣa Suhṛtpadam॥
॥ Iti Sarva Dēva Kṛta Lakṣmī Stōtraṃ Sampūrṇam ॥
Post a Comment