మీనాక్షీ పంచ రత్న స్తోత్రం
ఉద్యద్భానుసహస్రకోటిసదృశాం కేయూరహారోజ్జ్వలాం
బింబోష్ఠీం స్మితదంతపంక్తిరుచిరాం పీతాంబరాలంకృతామ్ ।
విష్ణుబ్రహ్మసురేంద్రసేవితపదాం తత్త్వస్వరూపాం శివాం
మీనాక్షీం ప్రణతోఽస్మి సంతతమహం కారుణ్యవారాంనిధిమ్ ॥ 1 ॥
ముక్తాహారలసత్కిరీటరుచిరాం పూర్ణేందువక్త్రప్రభాం
శింజన్నూపురకింకిణీమణిధరాం పద్మప్రభాభాసురామ్ ।
సర్వాభీష్టఫలప్రదాం గిరిసుతాం వాణీరమాసేవితాం
మీనాక్షీం ప్రణతోఽస్మి సంతతమహం కారుణ్యవారాంనిధిమ్ ॥ 2 ॥
శ్రీవిద్యాం శివవామభాగనిలయాం హ్రీంకారమంత్రోజ్జ్వలాం
శ్రీచక్రాంకితబిందుమధ్యవసతిం శ్రీమత్సభానాయకీమ్ ।
శ్రీమత్షణ్ముఖవిఘ్నరాజజననీం శ్రీమజ్జగన్మోహినీం
మీనాక్షీం ప్రణతోఽస్మి సంతతమహం కారుణ్యవారాంనిధిమ్ ॥ 3 ॥
శ్రీమత్సుందరనాయకీం భయహరాం జ్ఞానప్రదాం నిర్మలాం
శ్యామాభాం కమలాసనార్చితపదాం నారాయణస్యానుజామ్ ।
వీణావేణుమృదంగవాద్యరసికాం నానావిధామంబికాం
మీనాక్షీం ప్రణతోఽస్మి సంతతమహం కారుణ్యవారాంనిధిమ్ ॥ 4 ॥
నానాయోగిమునీంద్రహృత్సువసతీం నానార్థసిద్ధిప్రదాం
నానాపుష్పవిరాజితాంఘ్రియుగళాం నారాయణేనార్చితామ్ ।
నాదబ్రహ్మమయీం పరాత్పరతరాం నానార్థతత్వాత్మికాం
మీనాక్షీం ప్రణతోఽస్మి సంతతమహం కారుణ్యవారాంనిధిమ్ ॥ 5 ॥
Meenakshi Pancha Ratna Stotram
Udyadbhānusahasrakōṭisadṛśāṃ Kēyūrahārōjjvalāṃ
Bimbōṣṭhīṃ Smitadantapaṅktiruchirāṃ Pītāmbarālaṅkṛtām ।
Viṣṇubrahmasurēndrasēvitapadāṃ Tattvasvarūpāṃ Śivāṃ
Mīnākṣīṃ Praṇatō'smi Santatamahaṃ Kāruṇyavārānnidhim ॥ 1 ॥
Muktāhāralasatkirīṭaruchirāṃ Pūrṇēnduvaktraprabhāṃ
Śiñjannūpurakiṅkiṇīmaṇidharāṃ Padmaprabhābhāsurām ।
Sarvābhīṣṭaphalapradāṃ Girisutāṃ Vāṇīramāsēvitāṃ
Mīnākṣīṃ Praṇatō'smi Santatamahaṃ Kāruṇyavārānnidhim ॥ 2 ॥
Śrīvidyāṃ Śivavāmabhāganilayāṃ Hrīṅkāramantrōjjvalāṃ
Śrīchakrāṅkitabindumadhyavasatiṃ Śrīmatsabhānāyakīm ।
Śrīmatṣaṇmukhavighnarājajananīṃ Śrīmajjaganmōhinīṃ
Mīnākṣīṃ Praṇatō'smi Santatamahaṃ Kāruṇyavārānnidhim ॥ 3 ॥
Śrīmatsundaranāyakīṃ Bhayaharāṃ Jñānapradāṃ Nirmalāṃ
Śyāmābhāṃ Kamalāsanārchitapadāṃ Nārāyaṇasyānujām ।
Vīṇāvēṇumṛdaṅgavādyarasikāṃ Nānāvidhāmambikāṃ
Mīnākṣīṃ Praṇatō'smi Santatamahaṃ Kāruṇyavārānnidhim ॥ 4 ॥
Nānāyōgimunīndrahṛtsuvasatīṃ Nānārthasiddhipradāṃ
Nānāpuṣpavirājitāṅghriyugaḻāṃ Nārāyaṇēnārchitām ।
Nādabrahmamayīṃ Parātparatarāṃ Nānārthatatvātmikāṃ
Mīnākṣīṃ Praṇatō'smi Santatamahaṃ Kāruṇyavārānnidhim ॥ 5 ॥
Post a Comment