గోదా దేవీ అష్టోత్తర శత స్తోత్రం
ధ్యానమ్ ।
శతమఖమణి నీలా చారుకల్హారహస్తా
స్తనభరనమితాంగీ సాంద్రవాత్సల్యసింధుః ।
అలకవినిహితాభిః స్రగ్భిరాకృష్టనాథా
విలసతు హృది గోదా విష్ణుచిత్తాత్మజా నః ॥
అథ స్తోత్రమ్ ।
శ్రీరంగనాయకీ గోదా విష్ణుచిత్తాత్మజా సతీ ।
గోపీవేషధరా దేవీ భూసుతా భోగశాలినీ ॥ 1 ॥
తులసీకాననోద్భూతా శ్రీధన్విపురవాసినీ ।
భట్టనాథప్రియకరీ శ్రీకృష్ణహితభోగినీ ॥ 2 ॥
ఆముక్తమాల్యదా బాలా రంగనాథప్రియా పరా ।
విశ్వంభరా కలాలాపా యతిరాజసహోదరీ ॥ 3 ॥
కృష్ణానురక్తా సుభగా సులభశ్రీః సులక్షణా ।
లక్ష్మీప్రియసఖీ శ్యామా దయాంచితదృగంచలా ॥ 4 ॥
ఫల్గున్యావిర్భవా రమ్యా ధనుర్మాసకృతవ్రతా ।
చంపకాశోకపున్నాగమాలతీవిలసత్కచా ॥ 5 ॥
ఆకారత్రయసంపన్నా నారాయణపదాశ్రితా ।
శ్రీమదష్టాక్షరీమంత్రరాజస్థితమనోరథా ॥ 6 ॥
మోక్షప్రదాననిపుణా మనురత్నాధిదేవతా ।
బ్రహ్మణ్యా లోకజననీ లీలామానుషరూపిణీ ॥ 7 ॥
బ్రహ్మజ్ఞానప్రదా మాయా సచ్చిదానందవిగ్రహా ।
మహాపతివ్రతా విష్ణుగుణకీర్తనలోలుపా ॥ 8 ॥
ప్రపన్నార్తిహరా నిత్యా వేదసౌధవిహారిణీ ।
శ్రీరంగనాథమాణిక్యమంజరీ మంజుభాషిణీ ॥ 9 ॥
పద్మప్రియా పద్మహస్తా వేదాంతద్వయబోధినీ ।
సుప్రసన్నా భగవతీ శ్రీజనార్దనదీపికా ॥ 10 ॥
సుగంధావయవా చారురంగమంగలదీపికా ।
ధ్వజవజ్రాంకుశాబ్జాంకమృదుపాదలతాంచితా ॥ 11 ॥
తారకాకారనఖరా ప్రవాలమృదులాంగుళీ ।
కూర్మోపమేయపాదోర్ధ్వభాగా శోభనపార్ష్ణికా ॥ 12 ॥
వేదార్థభావతత్త్వజ్ఞా లోకారాధ్యాంఘ్రిపంకజా ।
ఆనందబుద్బుదాకారసుగుల్ఫా పరమాణుకా ॥ 13 ॥
తేజఃశ్రియోజ్జ్వలధృతపాదాంగుళిసుభూషితా ।
మీనకేతనతూణీరచారుజంఘావిరాజితా ॥ 14 ॥
కకుద్వజ్జానుయుగ్మాఢ్యా స్వర్ణరంభాభసక్థికా ।
విశాలజఘనా పీనసుశ్రోణీ మణిమేఖలా ॥ 15 ॥
ఆనందసాగరావర్తగంభీరాంభోజనాభికా ।
భాస్వద్వలిత్రికా చారుజగత్పూర్ణమహోదరీ ॥ 16 ॥
నవవల్లీరోమరాజీ సుధాకుంభాయితస్తనీ ।
కల్పమాలానిభభుజా చంద్రఖండనఖాంచితా ॥ 17 ॥
సుప్రవాశాంగుళీన్యస్తమహారత్నాంగులీయకా ।
నవారుణప్రవాలాభపాణిదేశసమంచితా ॥ 18 ॥
కంబుకంఠీ సుచుబుకా బింబోష్ఠీ కుందదంతయుక్ ।
కారుణ్యరసనిష్యందనేత్రద్వయసుశోభితా ॥ 19 ॥
ముక్తాశుచిస్మితా చారుచాంపేయనిభనాసికా ।
దర్పణాకారవిపులకపోలద్వితయాంచితా ॥ 20 ॥
అనంతార్కప్రకాశోద్యన్మణితాటంకశోభితా ।
కోటిసూర్యాగ్నిసంకాశనానాభూషణభూషితా ॥ 21 ॥
సుగంధవదనా సుభ్రూ అర్ధచంద్రలలాటికా ।
పూర్ణచంద్రాననా నీలకుటిలాలకశోభితా ॥ 22 ॥
సౌందర్యసీమా విలసత్కస్తూరీతిలకోజ్జ్వలా ।
ధగద్ధగాయమానోద్యన్మణిసీమంతభూషణా ॥ 23 ॥
జాజ్వల్యమానసద్రత్నదివ్యచూడావతంసకా ।
సూర్యార్ధచంద్రవిలసత్ భూషణాంచితవేణికా ॥ 24 ॥
అత్యర్కానలతేజోధిమణికంచుకధారిణీ ।
సద్రత్నాంచితవిద్యోతవిద్యుత్కుంజాభశాటికా ॥ 25 ॥
నానామణిగణాకీర్ణహేమాంగదసుభూషితా ।
కుంకుమాగరుకస్తూరీదివ్యచందనచర్చితా ॥ 26 ॥
స్వోచితౌజ్జ్వల్యవివిధవిచిత్రమణిహారిణీ ।
అసంఖ్యేయసుఖస్పర్శసర్వాతిశయభూషణా ॥ 27 ॥
మల్లికాపారిజాతాదిదివ్యపుష్పస్రగంచితా ।
శ్రీరంగనిలయా పూజ్యా దివ్యదేశసుశోభితా ॥ 28 ॥
ఇతి శ్రీగోదాష్టోత్తరశతనామస్తోత్రమ్ ।
Goda Devi Ashtottara Sata Nama Stotram
Dhyānam ।
Śatamakhamaṇi Nīlā Chārukalhārahastā
Stanabharanamitāṅgī Sāndravātsalyasindhuḥ ।
Alakavinihitābhiḥ Sragbhirākṛṣṭanāthā
Vilasatu Hṛdi Gōdā Viṣṇuchittātmajā Naḥ ॥
Atha Stōtram ।
Śrīraṅganāyakī Gōdā Viṣṇuchittātmajā Satī ।
Gōpīvēṣadharā Dēvī Bhūsutā Bhōgaśālinī ॥ 1 ॥
Tulasīkānanōdbhūtā Śrīdhanvipuravāsinī ।
Bhaṭṭanāthapriyakarī Śrīkṛṣṇahitabhōginī ॥ 2 ॥
Āmuktamālyadā Bālā Raṅganāthapriyā Parā ।
Viśvambharā Kalālāpā Yatirājasahōdarī ॥ 3 ॥
Kṛṣṇānuraktā Subhagā Sulabhaśrīḥ Sulakṣaṇā ।
Lakṣmīpriyasakhī Śyāmā Dayāñchitadṛgañchalā ॥ 4 ॥
Phalgunyāvirbhavā Ramyā Dhanurmāsakṛtavratā ।
Champakāśōkapunnāgamālatīvilasatkachā ॥ 5 ॥
Ākāratrayasampannā Nārāyaṇapadāśritā ।
Śrīmadaṣṭākṣarīmantrarājasthitamanōrathā ॥ 6 ॥
Mōkṣapradānanipuṇā Manuratnādhidēvatā ।
Brahmaṇyā Lōkajananī Līlāmānuṣarūpiṇī ॥ 7 ॥
Brahmajñānapradā Māyā Sachchidānandavigrahā ।
Mahāpativratā Viṣṇuguṇakīrtanalōlupā ॥ 8 ॥
Prapannārtiharā Nityā Vēdasaudhavihāriṇī ।
Śrīraṅganāthamāṇikyamañjarī Mañjubhāṣiṇī ॥ 9 ॥
Padmapriyā Padmahastā Vēdāntadvayabōdhinī ।
Suprasannā Bhagavatī Śrījanārdanadīpikā ॥ 10 ॥
Sugandhāvayavā Chāruraṅgamaṅgaladīpikā ।
Dhvajavajrāṅkuśābjāṅkamṛdupādalatāñchitā ॥ 11 ॥
Tārakākāranakharā Pravālamṛdulāṅguḻī ।
Kūrmōpamēyapādōrdhvabhāgā Śōbhanapārṣṇikā ॥ 12 ॥
Vēdārthabhāvatattvajñā Lōkārādhyāṅghripaṅkajā ।
Ānandabudbudākārasugulphā Paramāṇukā ॥ 13 ॥
Tējaḥśriyōjjvaladhṛtapādāṅguḻisubhūṣitā ।
Mīnakētanatūṇīrachārujaṅghāvirājitā ॥ 14 ॥
Kakudvajjānuyugmāḍhyā Svarṇarambhābhasakthikā ।
Viśālajaghanā Pīnasuśrōṇī Maṇimēkhalā ॥ 15 ॥
Ānandasāgarāvartagambhīrāmbhōjanābhikā ।
Bhāsvadvalitrikā Chārujagatpūrṇamahōdarī ॥ 16 ॥
Navavallīrōmarājī Sudhākumbhāyitastanī ।
Kalpamālānibhabhujā Chandrakhaṇḍanakhāñchitā ॥ 17 ॥
Supravāśāṅguḻīnyastamahāratnāṅgulīyakā ।
Navāruṇapravālābhapāṇidēśasamañchitā ॥ 18 ॥
Kambukaṇṭhī Suchubukā Bimbōṣṭhī Kundadantayuk ।
Kāruṇyarasaniṣyandanētradvayasuśōbhitā ॥ 19 ॥
Muktāśuchismitā Chāruchāmpēyanibhanāsikā ।
Darpaṇākāravipulakapōladvitayāñchitā ॥ 20 ॥
Anantārkaprakāśōdyanmaṇitāṭaṅkaśōbhitā ।
Kōṭisūryāgnisaṅkāśanānābhūṣaṇabhūṣitā ॥ 21 ॥
Sugandhavadanā Subhrū Ardhachandralalāṭikā ।
Pūrṇachandrānanā Nīlakuṭilālakaśōbhitā ॥ 22 ॥
Saundaryasīmā Vilasatkastūrītilakōjjvalā ।
Dhagaddhagāyamānōdyanmaṇisīmantabhūṣaṇā ॥ 23 ॥
Jājvalyamānasadratnadivyachūḍāvataṃsakā ।
Sūryārdhachandravilasat Bhūṣaṇāñchitavēṇikā ॥ 24 ॥
Atyarkānalatējōdhimaṇikañchukadhāriṇī ।
Sadratnāñchitavidyōtavidyutkuñjābhaśāṭikā ॥ 25 ॥
Nānāmaṇigaṇākīrṇahēmāṅgadasubhūṣitā ।
Kuṅkumāgarukastūrīdivyachandanacharchitā ॥ 26 ॥
Svōchitaujjvalyavividhavichitramaṇihāriṇī ।
Asaṅkhyēyasukhasparśasarvātiśayabhūṣaṇā ॥ 27 ॥
Mallikāpārijātādidivyapuṣpasragañchitā ।
Śrīraṅganilayā Pūjyā Divyadēśasuśōbhitā ॥ 28 ॥
Iti Śrīgōdāṣṭōttaraśatanāmastōtram ।
Post a Comment