దుర్గా పంచ రత్నం
తే ధ్యానయోగానుగతా అపశ్యన్
త్వామేవ దేవీం స్వగుణైర్నిగూఢామ్ ।
త్వమేవ శక్తిః పరమేశ్వరస్య
మాం పాహి సర్వేశ్వరి మోక్షదాత్రి ॥ 1 ॥
దేవాత్మశక్తిః శ్రుతివాక్యగీతా
మహర్షిలోకస్య పురః ప్రసన్నా ।
గుహా పరం వ్యోమ సతః ప్రతిష్ఠా
మాం పాహి సర్వేశ్వరి మోక్షదాత్రి ॥ 2 ॥
పరాస్య శక్తిః వివిధైవ శ్రూయసే
శ్వేతాశ్వవాక్యోదితదేవి దుర్గే ।
స్వాభావికీ జ్ఞానబలక్రియా తే
మాం పాహి సర్వేశ్వరి మోక్షదాత్రి ॥ 3 ॥
దేవాత్మశబ్దేన శివాత్మభూతా
యత్కూర్మవాయవ్యవచోవివృత్యా
త్వం పాశవిచ్ఛేదకరీ ప్రసిద్ధా
మాం పాహి సర్వేశ్వరి మోక్షదాత్రి ॥ 4 ॥
త్వం బ్రహ్మపుచ్ఛా వివిధా మయూరీ
బ్రహ్మప్రతిష్ఠాస్యుపదిష్టగీతా ।
జ్ఞానస్వరూపాత్మతయాఖిలానాం
మాం పాహి సర్వేశ్వరి మోక్షదాత్రి ॥ 5 ॥
ఇతి పరమపూజ్య శ్రీ చంద్రశేఖరేంద్ర సరస్వతీ స్వామి కృతం దుర్గా పంచరత్నం సంపూర్ణమ్ ।
Durga Pancha Ratnam
Tē Dhyānayōgānugatā Apaśyan
Tvāmēva Dēvīṃ Svaguṇairnigūḍhām ।
Tvamēva Śaktiḥ Paramēśvarasya
Māṃ Pāhi Sarvēśvari Mōkṣadātri ॥ 1 ॥
Dēvātmaśaktiḥ Śrutivākyagītā
Maharṣilōkasya Puraḥ Prasannā ।
Guhā Paraṃ Vyōma Sataḥ Pratiṣṭhā
Māṃ Pāhi Sarvēśvari Mōkṣadātri ॥ 2 ॥
Parāsya Śaktiḥ Vividhaiva Śrūyasē
Śvētāśvavākyōditadēvi Durgē ।
Svābhāvikī Jñānabalakriyā Tē
Māṃ Pāhi Sarvēśvari Mōkṣadātri ॥ 3 ॥
Dēvātmaśabdēna Śivātmabhūtā
Yatkūrmavāyavyavachōvivṛtyā
Tvaṃ Pāśavichchēdakarī Prasiddhā
Māṃ Pāhi Sarvēśvari Mōkṣadātri ॥ 4 ॥
Tvaṃ Brahmapuchchā Vividhā Mayūrī
Brahmapratiṣṭhāsyupadiṣṭagītā ।
Jñānasvarūpātmatayākhilānāṃ
Māṃ Pāhi Sarvēśvari Mōkṣadātri ॥ 5 ॥
Iti Paramapūjya Śrī Chandraśēkharēndra Sarasvatī Svāmi Kṛtaṃ Durgā Pañcharatnaṃ Sampūrṇam ।
Post a Comment