శ్రీ దుర్గా ఆపదుద్ధారక స్తోత్రం
నమస్తే శరణ్యే శివే సానుకంపే
నమస్తే జగద్వ్యాపికే విశ్వరూపే ।
నమస్తే జగద్వంద్యపాదారవిందే
నమస్తే జగత్తారిణి త్రాహి దుర్గే ॥ 1 ॥
నమస్తే జగచ్చింత్యమానస్వరూపే
నమస్తే మహాయోగివిజ్ఞానరూపే ।
నమస్తే నమస్తే సదానందరూపే
నమస్తే జగత్తారిణి త్రాహి దుర్గే ॥ 2 ॥
అనాథస్య దీనస్య తృష్ణాతురస్య
భయార్తస్య భీతస్య బద్ధస్య జంతోః ।
త్వమేకా గతిర్దేవి నిస్తారకర్త్రీ
నమస్తే జగత్తారిణి త్రాహి దుర్గే ॥ 3 ॥
అరణ్యే రణే దారుణే శత్రుమధ్యే-
ఽనలే సాగరే ప్రాంతరే రాజగేహే ।
త్వమేకా గతిర్దేవి నిస్తారనౌకా
నమస్తే జగత్తారిణి త్రాహి దుర్గే ॥ 4 ॥
అపారే మహాదుస్తరేఽత్యంతఘోరే
విపత్సాగరే మజ్జతాం దేహభాజామ్ ।
త్వమేకా గతిర్దేవి నిస్తారహేతు-
ర్నమస్తే జగత్తారిణి త్రాహి దుర్గే ॥ 5 ॥
నమశ్చండికే చండదుర్దండలీలా-
సముత్ఖండితా ఖండితాఽశేషశత్రోః ।
త్వమేకా గతిర్దేవి నిస్తారబీజం
నమస్తే జగత్తారిణి త్రాహి దుర్గే ॥ 6 ॥
త్వమేకా సదారాధితా సత్యవాది-
న్యనేకాఖిలా క్రోధనా క్రోధనిష్ఠా ।
ఇడా పింగళా త్వం సుషుమ్నా చ నాడీ
నమస్తే జగత్తారిణి త్రాహి దుర్గే ॥ 7 ॥
నమో దేవి దుర్గే శివే భీమనాదే
సదాసర్వసిద్ధిప్రదాతృస్వరూపే ।
విభూతిః శచీ కాలరాత్రిః సతీ త్వం
నమస్తే జగత్తారిణి త్రాహి దుర్గే ॥ 8 ॥
శరణమసి సురాణాం సిద్ధవిద్యాధరాణాం
మునిమనుజపశూనాం దస్యుభిస్త్రాసితానాం
నృపతిగృహగతానాం వ్యాధిభిః పీడితానామ్ ।
త్వమసి శరణమేకా దేవి దుర్గే ప్రసీద ॥ 9 ॥
ఇదం స్తోత్రం మయా ప్రోక్తమాపదుద్ధారహేతుకమ్ ।
త్రిసంధ్యమేకసంధ్యం వా పఠనాద్ఘోరసంకటాత్ ॥ 10 ॥
ముచ్యతే నాత్ర సందేహో భువి స్వర్గే రసాతలే ।
సర్వం వా శ్లోకమేకం వా యః పఠేద్భక్తిమాన్సదా ॥ 11 ॥
స సర్వం దుష్కృతం త్యక్త్వా ప్రాప్నోతి పరమం పదమ్ ।
పఠనాదస్య దేవేశి కిం న సిద్ధ్యతి భూతలే ।
స్తవరాజమిదం దేవి సంక్షేపాత్కథితం మయా ॥ 12
ఇతి శ్రీ సిద్ధేశ్వరీతంత్రే పరమశివోక్త శ్రీ దుర్గా ఆపదుద్ధార స్తోత్రమ్ ।
Durga Apaduddharaka Stotram
Namastē Śaraṇyē Śivē Sānukampē
Namastē Jagadvyāpikē Viśvarūpē ।
Namastē Jagadvandyapādāravindē
Namastē Jagattāriṇi Trāhi Durgē ॥ 1 ॥
Namastē Jagachchintyamānasvarūpē
Namastē Mahāyōgivijñānarūpē ।
Namastē Namastē Sadānandarūpē
Namastē Jagattāriṇi Trāhi Durgē ॥ 2 ॥
Anāthasya Dīnasya Tṛṣṇāturasya
Bhayārtasya Bhītasya Baddhasya Jantōḥ ।
Tvamēkā Gatirdēvi Nistārakartrī
Namastē Jagattāriṇi Trāhi Durgē ॥ 3 ॥
Araṇyē Raṇē Dāruṇē Śatrumadhyē-
'nalē Sāgarē Prāntarē Rājagēhē ।
Tvamēkā Gatirdēvi Nistāranaukā
Namastē Jagattāriṇi Trāhi Durgē ॥ 4 ॥
Apārē Mahādustarē'tyantaghōrē
Vipatsāgarē Majjatāṃ Dēhabhājām ।
Tvamēkā Gatirdēvi Nistārahētu-
Rnamastē Jagattāriṇi Trāhi Durgē ॥ 5 ॥
Namaśchaṇḍikē Chaṇḍadurdaṇḍalīlā-
Samutkhaṇḍitā Khaṇḍitā'śēṣaśatrōḥ ।
Tvamēkā Gatirdēvi Nistārabījaṃ
Namastē Jagattāriṇi Trāhi Durgē ॥ 6 ॥
Tvamēkā Sadārādhitā Satyavādi-
Nyanēkākhilā Krōdhanā Krōdhaniṣṭhā ।
Iḍā Piṅgaḻā Tvaṃ Suṣumnā Cha Nāḍī
Namastē Jagattāriṇi Trāhi Durgē ॥ 7 ॥
Namō Dēvi Durgē Śivē Bhīmanādē
Sadāsarvasiddhipradātṛsvarūpē ।
Vibhūtiḥ Śachī Kālarātriḥ Satī Tvaṃ
Namastē Jagattāriṇi Trāhi Durgē ॥ 8 ॥
Śaraṇamasi Surāṇāṃ Siddhavidyādharāṇāṃ
Munimanujapaśūnāṃ Dasyubhistrāsitānāṃ
Nṛpatigṛhagatānāṃ Vyādhibhiḥ Pīḍitānām ।
Tvamasi Śaraṇamēkā Dēvi Durgē Prasīda ॥ 9 ॥
Idaṃ Stōtraṃ Mayā Prōktamāpaduddhārahētukam ।
Trisandhyamēkasandhyaṃ Vā Paṭhanādghōrasaṅkaṭāt ॥ 10 ॥
Muchyatē Nātra Sandēhō Bhuvi Svargē Rasātalē ।
Sarvaṃ Vā Ślōkamēkaṃ Vā Yaḥ Paṭhēdbhaktimānsadā ॥ 11 ॥
Sa Sarvaṃ Duṣkṛtaṃ Tyaktvā Prāpnōti Paramaṃ Padam ।
Paṭhanādasya Dēvēśi Kiṃ Na Siddhyati Bhūtalē ।
Stavarājamidaṃ Dēvi Saṅkṣēpātkathitaṃ Mayā ॥ 12
Iti Śrī Siddhēśvarītantrē Paramaśivōkta Śrī Durgā Āpaduddhāra Stōtram ।
Post a Comment