దేవీ అశ్వధాటీ (అంబా స్తుతి)
(కాళిదాస కృతం)
చేటీ భవన్నిఖిల ఖేటీ కదంబవన వాటీషు నాకి పటలీ
కోటీర చారుతర కోటీ మణీకిరణ కోటీ కరంబిత పదా ।
పాటీరగంధి కుచశాటీ కవిత్వ పరిపాటీమగాధిప సుతా
ఘోటీఖురాదధిక ధాటీముదార ముఖ వీటీరసేన తనుతామ్ ॥ 1 ॥ శా ॥
ద్వైపాయన ప్రభృతి శాపాయుధ త్రిదివ సోపాన ధూళి చరణా
పాపాపహ స్వమను జాపానులీన జన తాపాపనోద నిపుణా ।
నీపాలయా సురభి ధూపాలకా దురితకూపాదుదన్చయతుమాం
రూపాధికా శిఖరి భూపాల వంశమణి దీపాయితా భగవతీ ॥ 2 ॥ శా ॥
యాళీభి రాత్మతనుతాలీనకృత్ప్రియక పాళీషు ఖేలతి భవా
వ్యాళీ నకుల్యసిత చూళీ భరా చరణ ధూళీ లసన్మణిగణా ।
యాళీ భృతి శ్రవసి తాళీ దళం వహతి యాళీక శోభి తిలకా
సాళీ కరోతు మమ కాళీ మనః స్వపద నాళీక సేవన విధౌ ॥ 3 ॥ శా ॥
బాలామృతాంశు నిభ ఫాలామనా గరుణ చేలా నితంబ ఫలకే
కోలాహల క్షపిత కాలామరాకుశల కీలాల శోషణ రవిః ।
స్థూలాకుచే జలద నీలాకచే కలిత వీలా కదంబ విపినే
శూలాయుధ ప్రణతి శీలా దధాతు హృది శైలాధి రాజ తనయా ॥ 4 ॥ శా ॥
కంబావతీవ సవిడంబా గళేన నవ తుంబాభ వీణ సవిధా
బింబాధరా వినత శంబాయుధాది నికురుంబా కదంబ విపినే ।
అంబా కురంగ మదజంబాల రోచి రిహ లంబాలకా దిశతు మే
శం బాహులేయ శశి బింబాభి రామ ముఖ సంబాధితా స్తన భరా ॥ 5 ॥ శా ॥
దాసాయమాన సుమహాసా కదంబవన వాసా కుసుంభ సుమనో
వాసా విపంచి కృత రాసా విధూత మధు మాసారవింద మధురా ।
కాసార సూన తతి భాసాభిరామ తను రాసార శీత కరుణా
నాసా మణి ప్రవర భాసా శివా తిమిర మాసాయే దుపరతిమ్ ॥ 6 ॥ శా ॥
న్యంకాకరే వపుషి కంకాళ రక్త పుషి కంకాది పక్షి విషయే
త్వం కామనా మయసి కిం కారణం హృదయ పంకారి మే హి గిరిజామ్ ।
శంకాశిలా నిశిత టంకాయమాన పద సంకాశమాన సుమనో
ఝంకారి భృంగతతి మంకానుపేత శశి సంకాశ వక్త్ర కమలామ్ ॥ 7 ॥ శా ॥
జంభారి కుంభి పృథు కుంభాపహాసి కుచ సంభావ్య హార లతికా
రంభా కరీంద్ర కర దంభాపహోరుగతి డింభానురంజిత పదా ।
శంభా ఉదార పరిరంభాంకురత్ పులక దంభానురాగ పిశునా
శం భాసురాభరణ గుంభా సదా దిశతు శుంభాసుర ప్రహరణా ॥ 8 ॥ శా ॥
దాక్షాయణీ దనుజ శిక్షా విధౌ వికృత దీక్షా మనోహర గుణా
భిక్షాశినో నటన వీక్షా వినోద ముఖి దక్షాధ్వర ప్రహరణా ।
వీక్షాం విధేహి మయి దక్షా స్వకీయ జన పక్షా విపక్ష విముఖీ
యక్షేశ సేవిత నిరాక్షేప శక్తి జయ లక్షావధాన కలనా ॥ 9 ॥ శా ॥
వందారు లోక వర సంధాయినీ విమల కుందావదాత రదనా
బృందారు బృంద మణి బృందారవింద మకరందాభిషిక్త చరణా ।
మందానిలా కలిత మందార దామభిరమందాభిరామ మకుటా
మందాకినీ జవన భిందాన వాచమరవిందాననా దిశతు మే ॥ 10 ॥ శా ॥
యత్రాశయో లగతి తత్రాగజా భవతు కుత్రాపి నిస్తుల శుకా
సుత్రామ కాల ముఖ సత్రాసకప్రకర సుత్రాణ కారి చరణా ।
ఛత్రానిలాతిరయ పత్త్రాభిభిరామ గుణ మిత్రామరీ సమ వధూః
కు త్రాసహీన మణి చిత్రాకృతి స్ఫురిత పుత్రాది దాన నిపుణా ॥ 11 ॥ శా ॥
కూలాతిగామి భయ తూలావళిజ్వలనకీలా నిజస్తుతి విధా
కోలాహలక్షపిత కాలామరీ కుశల కీలాల పోషణ రతా ।
స్థూలాకుచే జలద నీలాకచే కలిత లీలా కదంబ విపినే
శూలాయుధ ప్రణతి శీలా విభాతు హృది శైలాధిరాజ తనయా ॥ 12 ॥ శా ॥
ఇంధాన కీర మణిబంధా భవే హృదయబంధా వతీవ రసికా
సంధావతీ భువన సంధారణే ప్యమృత సింధావుదార నిలయా ।
గంధానుభావ ముహురంధాలి పీత కచ బంధా సమర్పయతు మే
శం ధామ భానుమపి రుంధాన మాశు పద సంధాన మప్యనుగతా ॥ 13 ॥ శా ॥
Devi Aswadhati (Amba Stuti)
(Kāḻidāsa Kṛtam)
Chēṭī Bhavannikhila Khēṭī Kadambavana Vāṭīṣu Nāki Paṭalī
Kōṭīra Chārutara Kōṭī Maṇīkiraṇa Kōṭī Karambita Padā ।
Pāṭīragandhi Kuchaśāṭī Kavitva Paripāṭīmagādhipa Sutā
Ghōṭīkhurādadhika Dhāṭīmudāra Mukha Vīṭīrasēna Tanutām ॥ 1 ॥ Śā ॥
Dvaipāyana Prabhṛti Śāpāyudha Tridiva Sōpāna Dhūḻi Charaṇā
Pāpāpaha Svamanu Jāpānulīna Jana Tāpāpanōda Nipuṇā ।
Nīpālayā Surabhi Dhūpālakā Duritakūpādudanchayatumām
Rūpādhikā Śikhari Bhūpāla Vaṃśamaṇi Dīpāyitā Bhagavatī ॥ 2 ॥ Śā ॥
Yāḻībhi Rātmatanutālīnakṛtpriyaka Pāḻīṣu Khēlati Bhavā
Vyāḻī Nakulyasita Chūḻī Bharā Charaṇa Dhūḻī Lasanmaṇigaṇā ।
Yāḻī Bhṛti Śravasi Tāḻī Daḻaṃ Vahati Yāḻīka Śōbhi Tilakā
Sāḻī Karōtu Mama Kāḻī Manaḥ Svapada Nāḻīka Sēvana Vidhau ॥ 3 ॥ Śā ॥
Bālāmṛtāṃśu Nibha Phālāmanā Garuṇa Chēlā Nitamba Phalakē
Kōlāhala Kṣapita Kālāmarākuśala Kīlāla Śōṣaṇa Raviḥ ।
Sthūlākuchē Jalada Nīlākachē Kalita Vīlā Kadamba Vipinē
Śūlāyudha Praṇati Śīlā Dadhātu Hṛdi Śailādhi Rāja Tanayā ॥ 4 ॥ Śā ॥
Kambāvatīva Saviḍambā Gaḻēna Nava Tumbābha Vīṇa Savidhā
Bimbādharā Vinata Śambāyudhādi Nikurumbā Kadamba Vipinē ।
Ambā Kuraṅga Madajambāla Rōchi Riha Lambālakā Diśatu Mē
Śaṃ Bāhulēya Śaśi Bimbābhi Rāma Mukha Sambādhitā Stana Bharā ॥ 5 ॥ Śā ॥
Dāsāyamāna Sumahāsā Kadambavana Vāsā Kusumbha Sumanō
Vāsā Vipañchi Kṛta Rāsā Vidhūta Madhu Māsāravinda Madhurā ।
Kāsāra Sūna Tati Bhāsābhirāma Tanu Rāsāra Śīta Karuṇā
Nāsā Maṇi Pravara Bhāsā Śivā Timira Māsāyē Duparatim ॥ 6 ॥ Śā ॥
Nyaṅkākarē Vapuṣi Kaṅkāḻa Rakta Puṣi Kaṅkādi Pakṣi Viṣayē
Tvaṃ Kāmanā Mayasi Kiṃ Kāraṇaṃ Hṛdaya Paṅkāri Mē Hi Girijām ।
Śaṅkāśilā Niśita Ṭaṅkāyamāna Pada Saṅkāśamāna Sumanō
Jhaṅkāri Bhṛṅgatati Maṅkānupēta Śaśi Saṅkāśa Vaktra Kamalām ॥ 7 ॥ Śā ॥
Jambhāri Kumbhi Pṛthu Kumbhāpahāsi Kucha Sambhāvya Hāra Latikā
Rambhā Karīndra Kara Dambhāpahōrugati Ḍimbhānurañjita Padā ।
Śambhā Udāra Parirambhāṅkurat Pulaka Dambhānurāga Piśunā
Śaṃ Bhāsurābharaṇa Gumbhā Sadā Diśatu Śumbhāsura Praharaṇā ॥ 8 ॥ Śā ॥
Dākṣāyaṇī Danuja Śikṣā Vidhau Vikṛta Dīkṣā Manōhara Guṇā
Bhikṣāśinō Naṭana Vīkṣā Vinōda Mukhi Dakṣādhvara Praharaṇā ।
Vīkṣāṃ Vidhēhi Mayi Dakṣā Svakīya Jana Pakṣā Vipakṣa Vimukhī
Yakṣēśa Sēvita Nirākṣēpa Śakti Jaya Lakṣāvadhāna Kalanā ॥ 9 ॥ Śā ॥
Vandāru Lōka Vara Sandhāyinī Vimala Kundāvadāta Radanā
Bṛndāru Bṛnda Maṇi Bṛndāravinda Makarandābhiṣikta Charaṇā ।
Mandānilā Kalita Mandāra Dāmabhiramandābhirāma Makuṭā
Mandākinī Javana Bhindāna Vāchamaravindānanā Diśatu Mē ॥ 10 ॥ Śā ॥
Yatrāśayō Lagati Tatrāgajā Bhavatu Kutrāpi Nistula Śukā
Sutrāma Kāla Mukha Satrāsakaprakara Sutrāṇa Kāri Charaṇā ।
Chatrānilātiraya Pattrābhibhirāma Guṇa Mitrāmarī Sama Vadhūḥ
Ku Trāsahīna Maṇi Chitrākṛti Sphurita Putrādi Dāna Nipuṇā ॥ 11 ॥ Śā ॥
Kūlātigāmi Bhaya Tūlāvaḻijvalanakīlā Nijastuti Vidhā
Kōlāhalakṣapita Kālāmarī Kuśala Kīlāla Pōṣaṇa Ratā ।
Sthūlākuchē Jalada Nīlākachē Kalita Līlā Kadamba Vipinē
Śūlāyudha Praṇati Śīlā Vibhātu Hṛdi Śailādhirāja Tanayā ॥ 12 ॥ Śā ॥
Indhāna Kīra Maṇibandhā Bhavē Hṛdayabandhā Vatīva Rasikā
Sandhāvatī Bhuvana Sandhāraṇē Pyamṛta Sindhāvudāra Nilayā ।
Gandhānubhāva Muhurandhāli Pīta Kacha Bandhā Samarpayatu Mē
Śaṃ Dhāma Bhānumapi Rundhāna Māśu Pada Sandhāna Mapyanugatā ॥ 13 ॥ Śā ॥
Post a Comment