దేవీ మాహాత్మ్యం దుర్గా సప్తశతి నవమోఽధ్యాయః
నిశుంభవధోనామ నవమోధ్యాయః ॥
ధ్యానం
ఓం బంధూక కాంచననిభం రుచిరాక్షమాలాం
పాశాంకుశౌ చ వరదాం నిజబాహుదండైః ।
బిభ్రాణమిందు శకలాభరణాం త్రినేత్రాం-
అర్ధాంబికేశమనిశం వపురాశ్రయామి ॥
రాజౌవాచ॥1॥
విచిత్రమిదమాఖ్యాతం భగవన్ భవతా మమ ।
దేవ్యాశ్చరితమాహాత్మ్యం రక్త బీజవధాశ్రితం ॥ 2॥
భూయశ్చేచ్ఛామ్యహం శ్రోతుం రక్తబీజే నిపాతితే ।
చకార శుంభో యత్కర్మ నిశుంభశ్చాతికోపనః ॥3॥
ఋషిరువాచ ॥4॥
చకార కోపమతులం రక్తబీజే నిపాతితే।
శుంభాసురో నిశుంభశ్చ హతేష్వన్యేషు చాహవే ॥5॥
హన్యమానం మహాసైన్యం విలోక్యామర్షముద్వహన్।
అభ్యదావన్నిశుంబోఽథ ముఖ్యయాసుర సేనయా ॥6॥
తస్యాగ్రతస్తథా పృష్ఠే పార్శ్వయోశ్చ మహాసురాః
సందష్టౌష్ఠపుటాః క్రుద్ధా హంతుం దేవీముపాయయుః ॥7॥
ఆజగామ మహావీర్యః శుంభోఽపి స్వబలైర్వృతః।
నిహంతుం చండికాం కోపాత్కృత్వా యుద్దం తు మాతృభిః ॥8॥
తతో యుద్ధమతీవాసీద్దేవ్యా శుంభనిశుంభయోః।
శరవర్షమతీవోగ్రం మేఘయోరివ వర్షతోః ॥9॥
చిచ్ఛేదాస్తాంఛరాంస్తాభ్యాం చండికా స్వశరోత్కరైః।
తాడయామాస చాంగేషు శస్త్రౌఘైరసురేశ్వరౌ ॥10॥
నిశుంభో నిశితం ఖడ్గం చర్మ చాదాయ సుప్రభం।
అతాడయన్మూర్ధ్ని సింహం దేవ్యా వాహనముత్తమం॥11॥
తాడితే వాహనే దేవీ క్షుర ప్రేణాసిముత్తమం।
శుంభస్యాశు చిచ్ఛేద చర్మ చాప్యష్ట చంద్రకం ॥12॥
ఛిన్నే చర్మణి ఖడ్గే చ శక్తిం చిక్షేప సోఽసురః।
తామప్యస్య ద్విధా చక్రే చక్రేణాభిముఖాగతాం॥13॥
కోపాధ్మాతో నిశుంభోఽథ శూలం జగ్రాహ దానవః।
ఆయాతం ముష్ఠిపాతేన దేవీ తచ్చాప్యచూర్ణయత్॥14॥
ఆవిద్ధ్యాథ గదాం సోఽపి చిక్షేప చండికాం ప్రతి।
సాపి దేవ్యాస్ త్రిశూలేన భిన్నా భస్మత్వమాగతా॥15॥
తతః పరశుహస్తం తమాయాంతం దైత్యపుంగవం।
ఆహత్య దేవీ బాణౌఘైరపాతయత భూతలే॥16॥
తస్మిన్ని పతితే భూమౌ నిశుంభే భీమవిక్రమే।
భ్రాతర్యతీవ సంక్రుద్ధః ప్రయయౌ హంతుమంబికాం॥17॥
స రథస్థస్తథాత్యుచ్ఛై ర్గృహీతపరమాయుధైః।
భుజైరష్టాభిరతులై ర్వ్యాప్యా శేషం బభౌ నభః॥18॥
తమాయాంతం సమాలోక్య దేవీ శంఖమవాదయత్।
జ్యాశబ్దం చాపి ధనుష శ్చకారాతీవ దుఃసహం॥19॥
పూరయామాస కకుభో నిజఘంటా స్వనేన చ।
సమస్తదైత్యసైన్యానాం తేజోవధవిధాయినా॥20॥
తతః సింహో మహానాదై స్త్యాజితేభమహామదైః।
పురయామాస గగనం గాం తథైవ దిశో దశ॥21॥
తతః కాళీ సముత్పత్య గగనం క్ష్మామతాడయత్।
కరాభ్యాం తన్నినాదేన ప్రాక్స్వనాస్తే తిరోహితాః॥22॥
అట్టాట్టహాసమశివం శివదూతీ చకార హ।
వైః శబ్దైరసురాస్త్రేసుః శుంభః కోపం పరం యయౌ॥23॥
దురాత్మం స్తిష్ట తిష్ఠేతి వ్యాజ హారాంబికా యదా।
తదా జయేత్యభిహితం దేవైరాకాశ సంస్థితైః॥24॥
శుంభేనాగత్య యా శక్తిర్ముక్తా జ్వాలాతిభీషణా।
ఆయాంతీ వహ్నికూటాభా సా నిరస్తా మహోల్కయా॥25॥
సింహనాదేన శుంభస్య వ్యాప్తం లోకత్రయాంతరం।
నిర్ఘాతనిఃస్వనో ఘోరో జితవానవనీపతే॥26॥
శుంభముక్తాంఛరాందేవీ శుంభస్తత్ప్రహితాంఛరాన్।
చిచ్ఛేద స్వశరైరుగ్రైః శతశోఽథ సహస్రశః॥27॥
తతః సా చండికా క్రుద్ధా శూలేనాభిజఘాన తం।
స తదాభి హతో భూమౌ మూర్ఛితో నిపపాత హ॥28॥
తతో నిశుంభః సంప్రాప్య చేతనామాత్తకార్ముకః।
ఆజఘాన శరైర్దేవీం కాళీం కేసరిణం తథా॥29॥
పునశ్చ కృత్వా బాహునామయుతం దనుజేశ్వరః।
చక్రాయుధేన దితిజశ్చాదయామాస చండికాం॥30॥
తతో భగవతీ క్రుద్ధా దుర్గాదుర్గార్తి నాశినీ।
చిచ్ఛేద దేవీ చక్రాణి స్వశరైః సాయకాంశ్చ తాన్॥31॥
తతో నిశుంభో వేగేన గదామాదాయ చండికాం।
అభ్యధావత వై హంతుం దైత్య సేనాసమావృతః॥32॥
తస్యాపతత ఏవాశు గదాం చిచ్ఛేద చండికా।
ఖడ్గేన శితధారేణ స చ శూలం సమాదదే॥33॥
శూలహస్తం సమాయాంతం నిశుంభమమరార్దనం।
హృది వివ్యాధ శూలేన వేగావిద్ధేన చండికా॥34॥
ఖిన్నస్య తస్య శూలేన హృదయాన్నిఃసృతోఽపరః।
మహాబలో మహావీర్యస్తిష్ఠేతి పురుషో వదన్॥35॥
తస్య నిష్క్రామతో దేవీ ప్రహస్య స్వనవత్తతః।
శిరశ్చిచ్ఛేద ఖడ్గేన తతోఽసావపతద్భువి॥36॥
తతః సింహశ్చ ఖాదోగ్ర దంష్ట్రాక్షుణ్ణశిరోధరాన్।
అసురాం స్తాంస్తథా కాళీ శివదూతీ తథాపరాన్॥37॥
కౌమారీ శక్తినిర్భిన్నాః కేచిన్నేశుర్మహాసురాః
బ్రహ్మాణీ మంత్రపూతేన తోయేనాన్యే నిరాకృతాః॥38॥
మాహేశ్వరీ త్రిశూలేన భిన్నాః పేతుస్తథాపరే।
వారాహీతుండఘాతేన కేచిచ్చూర్ణీ కృతా భువి॥39॥
ఖండం ఖండం చ చక్రేణ వైష్ణవ్యా దానవాః కృతాః।
వజ్రేణ చైంద్రీ హస్తాగ్ర విముక్తేన తథాపరే॥40॥
కేచిద్వినేశురసురాః కేచిన్నష్టామహాహవాత్।
భక్షితాశ్చాపరే కాళీశివధూతీ మృగాధిపైః॥41॥
॥ స్వస్తి శ్రీ మార్కండేయ పురాణే సావర్నికే మన్వంతరే దేవి మహత్మ్యే నిశుంభవధోనామ నవమోధ్యాయ సమాప్తమ్ ॥
ఆహుతి
ఓం క్లీం జయంతీ సాంగాయై సశక్తికాయై సపరివారాయై సవాహనాయై మహాహుతిం సమర్పయామి నమః స్వాహా ॥
Devi Mahatmyam Durga Saptasati Chapter 8
Raktabījavadhō Nāma Aṣṭamōdhyāya ॥
Dhyānaṃ
Aruṇāṃ Karuṇā Taraṅgitākṣīṃ Dhṛtapāśāṅkuśa Puṣpabāṇachāpām ।
Aṇimādhibhirāvṛtāṃ Mayūkhai Rahamityēva Vibhāvayē Bhavānīm ॥
Ṛṣiruvācha ॥1॥
Chaṇḍē Cha Nihatē Daityē Muṇḍē Cha Vinipātitē ।
Bahuḻēṣu Cha Sainyēṣu Kṣayitēṣvasurēśvaraḥ ॥ 2 ॥
Tataḥ Kōpaparādhīnachētāḥ Śumbhaḥ Pratāpavān ।
Udyōgaṃ Sarva Sainyānāṃ Daityānāmādidēśa Ha ॥3॥
Adya Sarva Balairdaityāḥ Ṣaḍaśītirudāyudhāḥ ।
Kambūnāṃ Chaturaśītirniryāntu Svabalairvṛtāḥ ॥4॥
Kōṭivīryāṇi Pañchāśadasurāṇāṃ Kulāni Vai ।
Śataṃ Kulāni Dhaumrāṇāṃ Nirgachchantu Mamājñayā ॥5॥
Kālakā Daurhṛdā Maurvāḥ Kāḻikēyāstathāsurāḥ ।
Yuddhāya Sajjā Niryāntu Ājñayā Tvaritā Mama ॥6॥
Ityājñāpyāsurāpatiḥ Śumbhō Bhairavaśāsanaḥ ।
Nirjagāma Mahāsainyasahastrairbhahubhirvṛtaḥ ॥7॥
Āyāntaṃ Chaṇḍikā Dṛṣṭvā Tatsainyamatibhīṣaṇam ।
Jyāsvanaiḥ Pūrayāmāsa Dharaṇīgaganāntaram ॥8॥
Tataḥsiṃho Mahānādamatīva Kṛtavānnṛpa ।
Ghaṇṭāsvanēna Tānnādānambikā Chōpabṛṃhayat ॥9॥
Dhanurjyāsiṃhaghaṇṭānāṃ Nādāpūritadiṅmukhā ।
Ninādairbhīṣaṇaiḥ Kāḻī Jigyē Vistāritānanā ॥10॥
Taṃ Ninādamupaśrutya Daitya Sainyaiśchaturdiśam ।
Dēvī Siṃhastathā Kāḻī Sarōṣaiḥ Parivāritāḥ॥11॥
Ētasminnantarē Bhūpa Vināśāya Suradviṣām ।
Bhavāyāmarasiṃhanāmativīryabalānvitāḥ ॥12॥
Brahmēśaguhaviṣṇūnāṃ Tathēndrasya Cha Śaktayaḥ ।
Śarīrēbhyōviniṣkramya Tadrūpaiśchaṇḍikāṃ Yayuḥ ॥13॥
Yasya Dēvasya Yadrūpaṃ Yathā Bhūṣaṇavāhanam ।
Tadvadēva Hi Tachchaktirasurānyōddhumāyamau ॥14॥
Haṃsayuktavimānāgrē Sākṣasūtraka Maṇḍaluḥ ।
Āyātā Brahmaṇaḥ Śaktibrahmāṇī Tyabhidhīyatē ॥15॥
Mahēśvarī Vṛṣārūḍhā Triśūlavaradhāriṇī ।
Mahāhivalayā Prāptāchandrarēkhāvibhūṣaṇā ॥16॥
Kaumārī Śaktihastā Cha Mayūravaravāhanā ।
Yōddhumabhyāyayau Daityānambikā Guharūpiṇī ॥17॥
Tathaiva Vaiṣṇavī Śaktirgaruḍōpari Saṃsthitā ।
Śaṅkhachakragadhāśāṅkhar Khaḍgahastābhyupāyayau ॥18॥
Yajñavārāhamatulaṃ Rūpaṃ Yā Bhibhratō Harēḥ ।
Śaktiḥ Sāpyāyayau Tatra Vārāhīṃ Bibhratī Tanum ॥19॥
Nārasiṃhī Nṛsiṃhasya Bibhratī Sadṛśaṃ Vapuḥ ।
Prāptā Tatra Saṭākṣēpakṣiptanakṣatra Saṃhatiḥ ॥20॥
Vajra Hastā Tathaivaindrī Gajarājō Paristhitā ।
Prāptā Sahasra Nayanā Yathā Śakrastathaiva Sā ॥21॥
Tataḥ Parivṛttastābhirīśānō Dēva Śaktibhiḥ ।
Hanyantāmasurāḥ Śīghraṃ Mama Prītyāha Chaṇḍikāṃ ॥22॥
Tatō Dēvī Śarīrāttu Viniṣkrāntātibhīṣaṇā ।
Chaṇḍikā Śaktiratyugrā Śivāśataninādinī ॥23॥
Sā Chāha Dhūmrajaṭilaṃ Īśānamaparājitā ।
Dūtatvaṃ Gachcha Bhagavan Pārśvaṃ Śumbhaniśumbhayōḥ ॥24॥
Brūhi Śumbhaṃ Niśumbhaṃ Cha Dānavāvatigarvitau ।
Yē Chānyē Dānavāstatra Yuddhāya Samupasthitāḥ ॥25॥
Trailōkyamindrō Labhatāṃ Dēvāḥ Santu Havirbhujaḥ ।
Yūyaṃ Prayāta Pātāḻaṃ Yadi Jīvitumichchatha ॥26॥
Balāvalēpādatha Chēdbhavantō Yuddhakāṅkṣiṇaḥ ।
Tadā Gachchata Tṛpyantu Machchivāḥ Piśitēna Vaḥ ॥27॥
Yatō Niyuktō Dautyēna Tayā Dēvyā Śivaḥ Svayam ।
Śivadūtīti Lōkē'smiṃstataḥ Sā Khyāti Māgatā ॥28॥
Tē'pi Śrutvā Vachō Dēvyāḥ Śarvākhyātaṃ Mahāsurāḥ ।
Amarṣāpūritā Jagmuryatra Kātyāyanī Sthitā ॥29॥
Tataḥ Prathamamēvāgrē Śaraśaktyṛṣṭivṛṣṭibhiḥ ।
Vavarṣuruddhatāmarṣāḥ Stāṃ Dēvīmamarārayaḥ ॥30॥
Sā Cha Tān Prahitān Bāṇān Ñchūlaśaktiparaśvadhān ।
Chichchēda Līlayādhmātadhanurmuktairmahēṣubhiḥ ॥31॥
Tasyāgratastathā Kāḻī Śūlapātavidāritān ।
Khaṭvāṅgapōthitāṃśchārīnkurvantī Vyacharattadā ॥32॥
Kamaṇḍalujalākṣēpahatavīryān Hataujasaḥ ।
Brahmāṇī Chākarōchchatrūnyēna Yēna Sma Dhāvati ॥33॥
Māhēśvarī Triśūlēna Tathā Chakrēṇa Vaiṣṇavī ।
Daityāṅjaghāna Kaumārī Tathā Śatyāti Kōpanā ॥34॥
Aindrī Kuliśapātēna Śataśō Daityadānavāḥ ।
Pēturvidāritāḥ Pṛthvyāṃ Rudhiraughapravarṣiṇaḥ ॥35॥
Tuṇḍaprahāravidhvastā Daṃṣṭrā Grakṣata Vakṣasaḥ ।
Vārāhamūrtyā Nyapataṃśchakrēṇa Cha Vidāritāḥ ॥36॥
Nakhairvidāritāṃśchānyān Bhakṣayantī Mahāsurān ।
Nārasiṃhī Chachārājau Nādā Pūrṇadigambarā ॥37॥
Chaṇḍāṭṭahāsairasurāḥ Śivadūtyabhidūṣitāḥ ।
Pētuḥ Pṛthivyāṃ Patitāṃstāṃśchakhādātha Sā Tadā ॥38॥
Iti Mātṛ Gaṇaṃ Kruddhaṃ Marda Yantaṃ Mahāsurān ।
Dṛṣṭvābhyupāyairvividhairnēśurdēvārisainikāḥ ॥39॥
Palāyanaparāndṛṣṭvā Daityānmātṛgaṇārditān ।
Yōddhumabhyāyayau Kruddhō Raktabījō Mahāsuraḥ ॥40॥
Raktabinduryadā Bhūmau Patatyasya Śarīrataḥ ।
Samutpatati Mēdinyāṃ Tatpramāṇō Mahāsuraḥ ॥41॥
Yuyudhē Sa Gadāpāṇirindraśaktyā Mahāsuraḥ ।
Tataśchaindrī Svavajrēṇa Raktabījamatāḍayat ॥42॥
Kuliśēnāhatasyāśu Bahu Susrāva Śōṇitam ।
Samuttasthustatō Yōdhāstadrapāstatparākramāḥ ॥43॥
Yāvantaḥ Patitāstasya Śarīrādraktabindavaḥ ।
Tāvantaḥ Puruṣā Jātāḥ Stadvīryabalavikramāḥ ॥44॥
Tē Chāpi Yuyudhustatra Puruṣā Rakta Sambhavāḥ ।
Samaṃ Mātṛbhiratyugraśastrapātātibhīṣaṇaṃ ॥45॥
Punaścha Vajra Pātēna Kṣata Maśya Śirō Yadā ।
Vavāha Raktaṃ Puruṣāstatō Jātāḥ Sahasraśaḥ ॥46॥
Vaiṣṇavī Samarē Chainaṃ Chakrēṇābhijaghāna Ha ।
Gadayā Tāḍayāmāsa Aindrī Tamasurēśvaram॥47॥
Vaiṣṇavī Chakrabhinnasya Rudhirasrāva Sambhavaiḥ ।
Sahasraśō Jagadvyāptaṃ Tatpramāṇairmahāsuraiḥ ॥48॥
Śaktyā Jaghāna Kaumārī Vārāhī Cha Tathāsinā ।
Māhēśvarī Triśūlēna Raktabījaṃ Mahāsuram ॥49॥
Sa Chāpi Gadayā Daityaḥ Sarvā Ēvāhanat Pṛthak ।
Mātṝḥ Kōpasamāviṣṭō Raktabījō Mahāsuraḥ ॥50॥
Tasyāhatasya Bahudhā Śaktiśūlādi Bhirbhuviḥ ।
Papāta Yō Vai Raktaughastēnāsañchataśō'surāḥ ॥51॥
Taiśchāsurāsṛksambhūtairasuraiḥ Sakalaṃ Jagat ।
Vyāptamāsīttatō Dēvā Bhayamājagmuruttamam ॥52॥
Tān Viṣaṇṇā N Surān Dṛṣṭvā Chaṇḍikā Prāhasatvaram ।
Uvācha Kāḻīṃ Chāmuṇḍē Vistīrṇaṃ Vadanaṃ Kuru ॥53॥
Machchastrapātasambhūtān Raktabindūn Mahāsurān ।
Raktabindōḥ Pratīchcha Tvaṃ Vaktrēṇānēna Vēginā ॥54॥
Bhakṣayantī Chara Raṇō Tadutpannānmahāsurān ।
Ēvamēṣa Kṣayaṃ Daityaḥ Kṣēṇa Raktō Gamiṣyati ॥55॥
Bhakṣya Māṇā Stvayā Chōgrā Na Chōtpatsyanti Chāparē ।
Ityuktvā Tāṃ Tatō Dēvī Śūlēnābhijaghāna Tam ॥56॥
Mukhēna Kāḻī Jagṛhē Raktabījasya Śōṇitam ।
Tatō'sāvājaghānātha Gadayā Tatra Chaṇḍikāṃ ॥57॥
Na Chāsyā Vēdanāṃ Chakrē Gadāpātō'lpikāmapi ।
Tasyāhatasya Dēhāttu Bahu Susrāva Śōṇitam ॥58॥
Yatastatastadvaktrēṇa Chāmuṇḍā Sampratīchchati ।
Mukhē Samudgatā Yē'syā Raktapātānmahāsurāḥ ॥59॥
Tāṃśchakhādātha Chāmuṇḍā Papau Tasya Cha Śōṇitam ॥60॥
Dēvī Śūlēna Vajrēṇa Bāṇairasibhir Ṛṣṭibhiḥ ।
Jaghāna Raktabījaṃ Taṃ Chāmuṇḍā Pīta Śōṇitam ॥61॥
Sa Papāta Mahīpṛṣṭhē Śastrasaṅghasamāhataḥ ।
Nīraktaścha Mahīpāla Raktabījō Mahāsuraḥ ॥62॥
Tatastē Harṣa Matulaṃ Avāpustridaśā Nṛpa ।
Tēṣāṃ Mātṛgaṇō Jātō Nanartāsṛṃṅgamadōddhataḥ ॥63॥
॥ Svasti Śrī Mārkaṇḍēya Purāṇē Sāvarnikē Manvantarē Dēvi Mahatmyē Raktabījavadhōnāma Aṣṭamōdhyāya Samāptam ॥
Āhuti
Ōṃ Jayantī Sāṅgāyai Saśaktikāyai Saparivārāyai Savāhanāyai Raktākṣyai Aṣṭamātṛ Sahitāyai Mahāhutiṃ Samarpayāmi Namaḥ Svāhā ॥
Post a Comment