Devi Mahatmyam Devi Kavacham in Telugu and English

Devi Mahatmyam Devi Kavacham in Telugu and English

 దేవీ మాహాత్మ్యం దేవి కవచం

ఓం నమశ్చండికాయై

న్యాసః

అస్య శ్రీ చండీ కవచస్య । బ్రహ్మా ఋషిః । అనుష్టుప్ ఛందః ।

చాముండా దేవతా । అంగన్యాసోక్త మాతరో బీజమ్ । నవావరణో మంత్రశక్తిః । దిగ్బంధ దేవతాః తత్వమ్ । శ్రీ జగదంబా ప్రీత్యర్థే సప్తశతీ పాఠాంగత్వేన జపే వినియోగః ॥

ఓం నమశ్చండికాయై

మార్కండేయ ఉవాచ ।

ఓం యద్గుహ్యం పరమం లోకే సర్వరక్షాకరం నృణామ్ ।

యన్న కస్యచిదాఖ్యాతం తన్మే బ్రూహి పితామహ ॥ 1 ॥

బ్రహ్మోవాచ ।

అస్తి గుహ్యతమం విప్ర సర్వభూతోపకారకమ్ ।

దేవ్యాస్తు కవచం పుణ్యం తచ్ఛృణుష్వ మహామునే ॥ 2 ॥

ప్రథమం శైలపుత్రీ చ ద్వితీయం బ్రహ్మచారిణీ ।

తృతీయం చంద్రఘంటేతి కూష్మాండేతి చతుర్థకమ్ ॥ 3 ॥

పంచమం స్కందమాతేతి షష్ఠం కాత్యాయనీతి చ ।

సప్తమం కాలరాత్రీతి మహాగౌరీతి చాష్టమమ్ ॥ 4 ॥

నవమం సిద్ధిదాత్రీ చ నవదుర్గాః ప్రకీర్తితాః ।

ఉక్తాన్యేతాని నామాని బ్రహ్మణైవ మహాత్మనా ॥ 5 ॥

అగ్నినా దహ్యమానస్తు శత్రుమధ్యే గతో రణే ।

విషమే దుర్గమే చైవ భయార్తాః శరణం గతాః ॥ 6 ॥

న తేషాం జాయతే కించిదశుభం రణసంకటే ।

నాపదం తస్య పశ్యామి శోకదుఃఖభయం న హి ॥ 7 ॥

యైస్తు భక్త్యా స్మృతా నూనం తేషాం వృద్ధిః ప్రజాయతే ।

యే త్వాం స్మరంతి దేవేశి రక్షసే తాన్నసంశయః ॥ 8 ॥

ప్రేతసంస్థా తు చాముండా వారాహీ మహిషాసనా ।

ఐంద్రీ గజసమారూఢా వైష్ణవీ గరుడాసనా ॥ 9 ॥

మాహేశ్వరీ వృషారూఢా కౌమారీ శిఖివాహనా ।

లక్ష్మీః పద్మాసనా దేవీ పద్మహస్తా హరిప్రియా ॥ 10 ॥

శ్వేతరూపధరా దేవీ ఈశ్వరీ వృషవాహనా ।

బ్రాహ్మీ హంససమారూఢా సర్వాభరణభూషితా ॥ 11 ॥

ఇత్యేతా మాతరః సర్వాః సర్వయోగసమన్వితాః ।

నానాభరణాశోభాఢ్యా నానారత్నోపశోభితాః ॥ 12 ॥

దృశ్యంతే రథమారూఢా దేవ్యః క్రోధసమాకులాః ।

శంఖం చక్రం గదాం శక్తిం హలం చ ముసలాయుధమ్ ॥ 13 ॥

ఖేటకం తోమరం చైవ పరశుం పాశమేవ చ ।

కుంతాయుధం త్రిశూలం చ శారంగమాయుధముత్తమమ్ ॥ 14 ॥

దైత్యానాం దేహనాశాయ భక్తానామభయాయ చ ।

ధారయంత్యాయుధానీత్థం దేవానాం చ హితాయ వై ॥ 15 ॥

నమస్తేఽస్తు మహారౌద్రే మహాఘోరపరాక్రమే ।

మహాబలే మహోత్సాహే మహాభయవినాశిని ॥ 16 ॥

త్రాహి మాం దేవి దుష్ప్రేక్ష్యే శత్రూణాం భయవర్ధిని ।

ప్రాచ్యాం రక్షతు మామైంద్రీ ఆగ్నేయ్యామగ్నిదేవతా ॥ 17 ॥

దక్షిణేఽవతు వారాహీ నైరృత్యాం ఖడ్గధారిణీ ।

ప్రతీచ్యాం వారుణీ రక్షేద్వాయవ్యాం మృగవాహినీ ॥ 18 ॥

ఉదీచ్యాం పాతు కౌమారీ ఐశాన్యాం శూలధారిణీ ।

ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా ॥ 19 ॥

ఏవం దశ దిశో రక్షేచ్చాముండా శవవాహనా ।

జయా మే చాగ్రతః పాతు విజయా పాతు పృష్ఠతః ॥ 20 ॥

అజితా వామపార్శ్వే తు దక్షిణే చాపరాజితా ।

శిఖాముద్యోతినీ రక్షేదుమా మూర్ధ్ని వ్యవస్థితా ॥ 21 ॥

మాలాధరీ లలాటే చ భ్రువౌ రక్షేద్యశస్వినీ ।

త్రినేత్రా చ భ్రువోర్మధ్యే యమఘంటా చ నాసికే ॥ 22 ॥

శంఖినీ చక్షుషోర్మధ్యే శ్రోత్రయోర్ద్వారవాసినీ ।

కపోలౌ కాలికా రక్షేత్కర్ణమూలే తు శాంకరీ ॥ 23 ॥

నాసికాయాం సుగంధా చ ఉత్తరోష్ఠే చ చర్చికా ।

అధరే చామృతకలా జిహ్వాయాం చ సరస్వతీ ॥ 24 ॥

దంతాన్ రక్షతు కౌమారీ కంఠదేశే తు చండికా ।

ఘంటికాం చిత్రఘంటా చ మహామాయా చ తాలుకే ॥ 25 ॥

కామాక్షీ చిబుకం రక్షేద్వాచం మే సర్వమంగళా ।

గ్రీవాయాం భద్రకాళీ చ పృష్ఠవంశే ధనుర్ధరీ ॥ 26 ॥

నీలగ్రీవా బహిః కంఠే నలికాం నలకూబరీ ।

స్కంధయోః ఖడ్గినీ రక్షేద్బాహూ మే వజ్రధారిణీ ॥ 27 ॥

హస్తయోర్దండినీ రక్షేదంబికా చాంగులీషు చ ।

నఖాంఛూలేశ్వరీ రక్షేత్కుక్షౌ రక్షేత్కులేశ్వరీ ॥ 28 ॥

స్తనౌ రక్షేన్మహాదేవీ మనఃశోకవినాశినీ ।

హృదయే లలితా దేవీ ఉదరే శూలధారిణీ ॥ 29 ॥

నాభౌ చ కామినీ రక్షేద్గుహ్యం గుహ్యేశ్వరీ తథా ।

పూతనా కామికా మేఢ్రం గుదే మహిషవాహినీ ॥ 30 ॥

కట్యాం భగవతీ రక్షేజ్జానునీ వింధ్యవాసినీ ।

జంఘే మహాబలా రక్షేత్సర్వకామప్రదాయినీ ॥ 31 ॥

గుల్ఫయోర్నారసింహీ చ పాదపృష్ఠే తు తైజసీ ।

పాదాంగులీషు శ్రీ రక్షేత్పాదాధస్తలవాసినీ ॥ 32 ॥

నఖాన్ దంష్ట్రకరాలీ చ కేశాంశ్చైవోర్ధ్వకేశినీ ।

రోమకూపేషు కౌబేరీ త్వచం వాగీశ్వరీ తథా ॥ 33 ॥

రక్తమజ్జావసామాంసాన్యస్థిమేదాంసి పార్వతీ ।

అంత్రాణి కాలరాత్రిశ్చ పిత్తం చ ముకుటేశ్వరీ ॥ 34 ॥

పద్మావతీ పద్మకోశే కఫే చూడామణిస్తథా ।

జ్వాలాముఖీ నఖజ్వాలామభేద్యా సర్వసంధిషు ॥ 35 ॥

శుక్రం బ్రహ్మాణి! మే రక్షేచ్ఛాయాం ఛత్రేశ్వరీ తథా ।

అహంకారం మనో బుద్ధిం రక్షేన్మే ధర్మధారిణీ ॥ 36 ॥

ప్రాణాపానౌ తథా వ్యానముదానం చ సమానకమ్ ।

వజ్రహస్తా చ మే రక్షేత్ప్రాణం కల్యాణశోభనా ॥ 37 ॥

రసే రూపే చ గంధే చ శబ్దే స్పర్శే చ యోగినీ ।

సత్త్వం రజస్తమశ్చైవ రక్షేన్నారాయణీ సదా ॥ 38 ॥

ఆయూ రక్షతు వారాహీ ధర్మం రక్షతు వైష్ణవీ ।

యశః కీర్తిం చ లక్ష్మీం చ ధనం విద్యాం చ చక్రిణీ ॥ 39 ॥

గోత్రమింద్రాణి! మే రక్షేత్పశూన్మే రక్ష చండికే ।

పుత్రాన్ రక్షేన్మహాలక్ష్మీర్భార్యాం రక్షతు భైరవీ ॥ 40 ॥

పంథానం సుపథా రక్షేన్మార్గం క్షేమకరీ తథా ।

రాజద్వారే మహాలక్ష్మీర్విజయా సర్వతః స్థితా ॥ 41 ॥

రక్షాహీనం తు యత్-స్థానం వర్జితం కవచేన తు ।

తత్సర్వం రక్ష మే దేవి! జయంతీ పాపనాశినీ ॥ 42 ॥

పదమేకం న గచ్ఛేత్తు యదీచ్ఛేచ్ఛుభమాత్మనః ।

కవచేనావృతో నిత్యం యత్ర యత్రైవ గచ్ఛతి ॥ 43 ॥

తత్ర తత్రార్థలాభశ్చ విజయః సార్వకామికః ।

యం యం చింతయతే కామం తం తం ప్రాప్నోతి నిశ్చితమ్ ॥ 44 ॥

పరమైశ్వర్యమతులం ప్రాప్స్యతే భూతలే పుమాన్ ।

నిర్భయో జాయతే మర్త్యః సంగ్రామేష్వపరాజితః ॥ 45 ॥

త్రైలోక్యే తు భవేత్పూజ్యః కవచేనావృతః పుమాన్ ।

ఇదం తు దేవ్యాః కవచం దేవానామపి దుర్లభమ్ ॥ 46 ॥

యః పఠేత్ప్రయతో నిత్యం త్రిసంధ్యం శ్రద్ధయాన్వితః ।

దైవీకలా భవేత్తస్య త్రైలోక్యేష్వపరాజితః । 47 ॥

జీవేద్వర్షశతం సాగ్రమపమృత్యువివర్జితః ।

నశ్యంతి వ్యాధయః సర్వే లూతావిస్ఫోటకాదయః ॥ 48 ॥

స్థావరం జంగమం చైవ కృత్రిమం చైవ యద్విషమ్ ।

అభిచారాణి సర్వాణి మంత్రయంత్రాణి భూతలే ॥ 49 ॥

భూచరాః ఖేచరాశ్చైవ జులజాశ్చోపదేశికాః ।

సహజా కులజా మాలా డాకినీ శాకినీ తథా ॥ 50 ॥

అంతరిక్షచరా ఘోరా డాకిన్యశ్చ మహాబలాః ।

గ్రహభూతపిశాచాశ్చ యక్షగంధర్వరాక్షసాః ॥ 51 ॥

బ్రహ్మరాక్షసవేతాలాః కూష్మాండా భైరవాదయః ।

నశ్యంతి దర్శనాత్తస్య కవచే హృది సంస్థితే ॥ 52 ॥

మానోన్నతిర్భవేద్రాజ్ఞస్తేజోవృద్ధికరం పరమ్ ।

యశసా వర్ధతే సోఽపి కీర్తిమండితభూతలే ॥ 53 ॥

జపేత్సప్తశతీం చండీం కృత్వా తు కవచం పురా ।

యావద్భూమండలం ధత్తే సశైలవనకాననమ్ ॥ 54 ॥

తావత్తిష్ఠతి మేదిన్యాం సంతతిః పుత్రపౌత్రికీ ।

దేహాంతే పరమం స్థానం యత్సురైరపి దుర్లభమ్ ॥ 55 ॥

ప్రాప్నోతి పురుషో నిత్యం మహామాయాప్రసాదతః ।

లభతే పరమం రూపం శివేన సహ మోదతే ॥ 56 ॥

॥ ఇతి వారాహపురాణే హరిహరబ్రహ్మ విరచితం దేవ్యాః కవచం సంపూర్ణమ్ ॥

Devi Mahatmayam Devi Kavacham

Ōṃ Namaśchaṇḍikāyai

Nyāsaḥ

Asya Śrī Chaṇḍī Kavachasya । Brahmā Ṛṣiḥ । Anuṣṭup Chandaḥ ।

Chāmuṇḍā Dēvatā । Aṅganyāsōkta Mātarō Bījam । Navāvaraṇō Mantraśaktiḥ । Digbandha Dēvatāḥ Tatvam । Śrī Jagadambā Prītyarthē Saptaśatī Pāṭhāṅgatvēna Japē Viniyōgaḥ ॥

Ōṃ Namaśchaṇḍikāyai

Mārkaṇḍēya Uvācha ।

Ōṃ Yadguhyaṃ Paramaṃ Lōkē Sarvarakṣākaraṃ Nṛṇām ।

Yanna Kasyachidākhyātaṃ Tanmē Brūhi Pitāmaha ॥ 1 ॥

Brahmōvācha ।

Asti Guhyatamaṃ Vipra Sarvabhūtōpakārakam ।

Dēvyāstu Kavachaṃ Puṇyaṃ Tachchṛṇuṣva Mahāmunē ॥ 2 ॥

Prathamaṃ Śailaputrī Cha Dvitīyaṃ Brahmachāriṇī ।

Tṛtīyaṃ Chandraghaṇṭēti Kūṣmāṇḍēti Chaturthakam ॥ 3 ॥

Pañchamaṃ Skandamātēti Ṣaṣṭhaṃ Kātyāyanīti Cha ।

Saptamaṃ Kālarātrīti Mahāgaurīti Chāṣṭamam ॥ 4 ॥

Navamaṃ Siddhidātrī Cha Navadurgāḥ Prakīrtitāḥ ।

Uktānyētāni Nāmāni Brahmaṇaiva Mahātmanā ॥ 5 ॥

Agninā Dahyamānastu Śatrumadhyē Gatō Raṇē ।

Viṣamē Durgamē Chaiva Bhayārtāḥ Śaraṇaṃ Gatāḥ ॥ 6 ॥

Na Tēṣāṃ Jāyatē Kiñchidaśubhaṃ Raṇasaṅkaṭē ।

Nāpadaṃ Tasya Paśyāmi Śōkaduḥkhabhayaṃ Na Hi ॥ 7 ॥

Yaistu Bhaktyā Smṛtā Nūnaṃ Tēṣāṃ Vṛddhiḥ Prajāyatē ।

Yē Tvāṃ Smaranti Dēvēśi Rakṣasē Tānnasaṃśayaḥ ॥ 8 ॥

Prētasaṃsthā Tu Chāmuṇḍā Vārāhī Mahiṣāsanā ।

Aindrī Gajasamārūḍhā Vaiṣṇavī Garuḍāsanā ॥ 9 ॥

Māhēśvarī Vṛṣārūḍhā Kaumārī Śikhivāhanā ।

Lakṣmīḥ Padmāsanā Dēvī Padmahastā Haripriyā ॥ 10 ॥

Śvētarūpadharā Dēvī Īśvarī Vṛṣavāhanā ।

Brāhmī Haṃsasamārūḍhā Sarvābharaṇabhūṣitā ॥ 11 ॥

Ityētā Mātaraḥ Sarvāḥ Sarvayōgasamanvitāḥ ।

Nānābharaṇāśōbhāḍhyā Nānāratnōpaśōbhitāḥ ॥ 12 ॥

Dṛśyantē Rathamārūḍhā Dēvyaḥ Krōdhasamākulāḥ ।

Śaṅkhaṃ Chakraṃ Gadāṃ Śaktiṃ Halaṃ Cha Musalāyudham ॥ 13 ॥

Khēṭakaṃ Tōmaraṃ Chaiva Paraśuṃ Pāśamēva Cha ।

Kuntāyudhaṃ Triśūlaṃ Cha Śārṅgamāyudhamuttamam ॥ 14 ॥

Daityānāṃ Dēhanāśāya Bhaktānāmabhayāya Cha ।

Dhārayantyāyudhānītthaṃ Dēvānāṃ Cha Hitāya Vai ॥ 15 ॥

Namastē'stu Mahāraudrē Mahāghōraparākramē ।

Mahābalē Mahōtsāhē Mahābhayavināśini ॥ 16 ॥

Trāhi Māṃ Dēvi Duṣprēkṣyē Śatrūṇāṃ Bhayavardhini ।

Prāchyāṃ Rakṣatu Māmaindrī Āgnēyyāmagnidēvatā ॥ 17 ॥

Dakṣiṇē'vatu Vārāhī Nairṛtyāṃ Khaḍgadhāriṇī ।

Pratīchyāṃ Vāruṇī Rakṣēdvāyavyāṃ Mṛgavāhinī ॥ 18 ॥

Udīchyāṃ Pātu Kaumārī Aiśānyāṃ Śūladhāriṇī ।

Ūrdhvaṃ Brahmāṇī Mē Rakṣēdadhastādvaiṣṇavī Tathā ॥ 19 ॥

Ēvaṃ Daśa Diśō Rakṣēchchāmuṇḍā Śavavāhanā ।

Jayā Mē Chāgrataḥ Pātu Vijayā Pātu Pṛṣṭhataḥ ॥ 20 ॥

Ajitā Vāmapārśvē Tu Dakṣiṇē Chāparājitā ।

Śikhāmudyōtinī Rakṣēdumā Mūrdhni Vyavasthitā ॥ 21 ॥

Mālādharī Lalāṭē Cha Bhruvau Rakṣēdyaśasvinī ।

Trinētrā Cha Bhruvōrmadhyē Yamaghaṇṭā Cha Nāsikē ॥ 22 ॥

Śaṅkhinī Chakṣuṣōrmadhyē Śrōtrayōrdvāravāsinī ।

Kapōlau Kālikā Rakṣētkarṇamūlē Tu Śāṅkarī ॥ 23 ॥

Nāsikāyāṃ Sugandhā Cha Uttarōṣṭhē Cha Charchikā ।

Adharē Chāmṛtakalā Jihvāyāṃ Cha Sarasvatī ॥ 24 ॥

Dantān Rakṣatu Kaumārī Kaṇṭhadēśē Tu Chaṇḍikā ।

Ghaṇṭikāṃ Chitraghaṇṭā Cha Mahāmāyā Cha Tālukē ॥ 25 ॥

Kāmākṣī Chibukaṃ Rakṣēdvāchaṃ Mē Sarvamaṅgaḻā ।

Grīvāyāṃ Bhadrakāḻī Cha Pṛṣṭhavaṃśē Dhanurdharī ॥ 26 ॥

Nīlagrīvā Bahiḥ Kaṇṭhē Nalikāṃ Nalakūbarī ।

Skandhayōḥ Khaḍginī Rakṣēdbāhū Mē Vajradhāriṇī ॥ 27 ॥

Hastayōrdaṇḍinī Rakṣēdambikā Chāṅgulīṣu Cha ।

Nakhāñchūlēśvarī Rakṣētkukṣau Rakṣētkulēśvarī ॥ 28 ॥

Stanau Rakṣēnmahādēvī Manaḥśōkavināśinī ।

Hṛdayē Lalitā Dēvī Udarē Śūladhāriṇī ॥ 29 ॥

Nābhau Cha Kāminī Rakṣēdguhyaṃ Guhyēśvarī Tathā ।

Pūtanā Kāmikā Mēḍhraṃ Gudē Mahiṣavāhinī ॥ 30 ॥

Kaṭyāṃ Bhagavatī Rakṣējjānunī Vindhyavāsinī ।

Jaṅghē Mahābalā Rakṣētsarvakāmapradāyinī ॥ 31 ॥

Gulphayōrnārasiṃhī Cha Pādapṛṣṭhē Tu Taijasī ।

Pādāṅgulīṣu Śrī Rakṣētpādādhastalavāsinī ॥ 32 ॥

Nakhān Daṃṣṭrakarālī Cha Kēśāṃśchaivōrdhvakēśinī ।

Rōmakūpēṣu Kaubērī Tvachaṃ Vāgīśvarī Tathā ॥ 33 ॥

Raktamajjāvasāmāṃsānyasthimēdāṃsi Pārvatī ।

Antrāṇi Kālarātriścha Pittaṃ Cha Mukuṭēśvarī ॥ 34 ॥

Padmāvatī Padmakōśē Kaphē Chūḍāmaṇistathā ।

Jvālāmukhī Nakhajvālāmabhēdyā Sarvasandhiṣu ॥ 35 ॥

Śukraṃ Brahmāṇi! Mē Rakṣēchchāyāṃ Chatrēśvarī Tathā ।

Ahaṅkāraṃ Manō Buddhiṃ Rakṣēnmē Dharmadhāriṇī ॥ 36 ॥

Prāṇāpānau Tathā Vyānamudānaṃ Cha Samānakam ।

Vajrahastā Cha Mē Rakṣētprāṇaṃ Kalyāṇaśōbhanā ॥ 37 ॥

Rasē Rūpē Cha Gandhē Cha Śabdē Sparśē Cha Yōginī ।

Sattvaṃ Rajastamaśchaiva Rakṣēnnārāyaṇī Sadā ॥ 38 ॥

Āyū Rakṣatu Vārāhī Dharmaṃ Rakṣatu Vaiṣṇavī ।

Yaśaḥ Kīrtiṃ Cha Lakṣmīṃ Cha Dhanaṃ Vidyāṃ Cha Chakriṇī ॥ 39 ॥

Gōtramindrāṇi! Mē Rakṣētpaśūnmē Rakṣa Chaṇḍikē ।

Putrān Rakṣēnmahālakṣmīrbhāryāṃ Rakṣatu Bhairavī ॥ 40 ॥

Panthānaṃ Supathā Rakṣēnmārgaṃ Kṣēmakarī Tathā ।

Rājadvārē Mahālakṣmīrvijayā Sarvataḥ Sthitā ॥ 41 ॥

Rakṣāhīnaṃ Tu Yat-sthānaṃ Varjitaṃ Kavachēna Tu ।

Tatsarvaṃ Rakṣa Mē Dēvi! Jayantī Pāpanāśinī ॥ 42 ॥

Padamēkaṃ Na Gachchēttu Yadīchchēchchubhamātmanaḥ ।

Kavachēnāvṛtō Nityaṃ Yatra Yatraiva Gachchati ॥ 43 ॥

Tatra Tatrārthalābhaścha Vijayaḥ Sārvakāmikaḥ ।

Yaṃ Yaṃ Chintayatē Kāmaṃ Taṃ Taṃ Prāpnōti Niśchitam ॥ 44 ॥

Paramaiśvaryamatulaṃ Prāpsyatē Bhūtalē Pumān ।

Nirbhayō Jāyatē Martyaḥ Saṅgrāmēṣvaparājitaḥ ॥ 45 ॥

Trailōkyē Tu Bhavētpūjyaḥ Kavachēnāvṛtaḥ Pumān ।

Idaṃ Tu Dēvyāḥ Kavachaṃ Dēvānāmapi Durlabham ॥ 46 ॥

Yaḥ Paṭhētprayatō Nityaṃ Trisandhyaṃ Śraddhayānvitaḥ ।

Daivīkalā Bhavēttasya Trailōkyēṣvaparājitaḥ । 47 ॥

Jīvēdvarṣaśataṃ Sāgramapamṛtyuvivarjitaḥ ।

Naśyanti Vyādhayaḥ Sarvē Lūtāvisphōṭakādayaḥ ॥ 48 ॥

Sthāvaraṃ Jaṅgamaṃ Chaiva Kṛtrimaṃ Chaiva Yadviṣam ।

Abhichārāṇi Sarvāṇi Mantrayantrāṇi Bhūtalē ॥ 49 ॥

Bhūcharāḥ Khēcharāśchaiva Julajāśchōpadēśikāḥ ।

Sahajā Kulajā Mālā Ḍākinī Śākinī Tathā ॥ 50 ॥

Antarikṣacharā Ghōrā Ḍākinyaścha Mahābalāḥ ।

Grahabhūtapiśāchāścha Yakṣagandharvarākṣasāḥ ॥ 51 ॥

Brahmarākṣasavētālāḥ Kūṣmāṇḍā Bhairavādayaḥ ।

Naśyanti Darśanāttasya Kavachē Hṛdi Saṃsthitē ॥ 52 ॥

Mānōnnatirbhavēdrājñastējōvṛddhikaraṃ Param ।

Yaśasā Vardhatē Sō'pi Kīrtimaṇḍitabhūtalē ॥ 53 ॥

Japētsaptaśatīṃ Chaṇḍīṃ Kṛtvā Tu Kavachaṃ Purā ।

Yāvadbhūmaṇḍalaṃ Dhattē Saśailavanakānanam ॥ 54 ॥

Tāvattiṣṭhati Mēdinyāṃ Santatiḥ Putrapautrikī ।

Dēhāntē Paramaṃ Sthānaṃ Yatsurairapi Durlabham ॥ 55 ॥

Prāpnōti Puruṣō Nityaṃ Mahāmāyāprasādataḥ ।

Labhatē Paramaṃ Rūpaṃ Śivēna Saha Mōdatē ॥ 56 ॥

॥ Iti Vārāhapurāṇē Hariharabrahma Virachitaṃ Dēvyāḥ Kavachaṃ Sampūrṇam ॥

Devi Kavacham Benefits

Devi Kavacham With Meaning

Devi Kavacham With Meaning Pdf

Devi Kavach Pdf

Devi Kavacham Lyrics In English

Devi Kavacham Miracles

Devi Kavacham Lyrics In Kannada