Durga suktham in telugu and english
ఓమ్ ॥ జా॒తవే॑దసే సునవామ॒ సోమ॑ మరాతీయ॒తో నిద॑హాతి॒ వేదః॑ ।
స నః॑ పర్-ష॒దతి॑ దు॒ర్గాణి॒ విశ్వా॑ నా॒వేవ॒ సింధుం॑ దురి॒తాఽత్య॒గ్నిః ॥
తామ॒గ్నివ॑ర్ణాం॒ తప॑సా జ్వలం॒తీం-వైఀ ॑రోచ॒నీం క॑ర్మఫ॒లేషు॒ జుష్టా᳚మ్ ।
దు॒ర్గాం దే॒వీగ్ం శర॑ణమ॒హం ప్రప॑ద్యే సు॒తర॑సి తరసే॒ నమః॑ ॥
అగ్నే॒ త్వం పా॑రయా॒ నవ్యో॑ అ॒స్మాంథ్స్వ॒స్తిభి॒రతి॑ దు॒ర్గాణి॒ విశ్వా᳚ ।
పూశ్చ॑ పృ॒థ్వీ బ॑హు॒లా న॑ ఉ॒ర్వీ భవా॑ తో॒కాయ॒ తన॑యాయ॒ శంయోఀః ॥
విశ్వా॑ని నో దు॒ర్గహా॑ జాతవేదః॒ సింధు॒న్న నా॒వా దు॑రి॒తాఽతి॑పర్-షి ।
అగ్నే॑ అత్రి॒వన్మన॑సా గృణా॒నో᳚ఽస్మాకం॑ బోధ్యవి॒తా త॒నూనా᳚మ్ ॥
పృ॒త॒నా॒ జిత॒గ్ం॒ సహ॑మానము॒గ్రమ॒గ్నిగ్ం హు॑వేమ పర॒మాథ్స॒ధస్థా᳚త్ ।
స నః॑ పర్-ష॒దతి॑ దు॒ర్గాణి॒ విశ్వా॒ క్షామ॑ద్దే॒వో అతి॑ దురి॒తాఽత్య॒గ్నిః ॥
ప్ర॒త్నోషి॑ క॒మీడ్యో॑ అధ్వ॒రేషు॑ స॒నాచ్చ॒ హోతా॒ నవ్య॑శ్చ॒ సత్సి॑ ।
స్వాంచా᳚ఽగ్నే త॒నువం॑ పి॒ప్రయ॑స్వా॒స్మభ్యం॑ చ॒ సౌభ॑గ॒మాయ॑జస్వ ॥
గోభి॒ర్జుష్ట॑మయుజో॒ నిషి॑క్తం॒ తవేం᳚ద్ర విష్ణో॒రను॒సంచ॑రేమ ।
నాక॑స్య పృ॒ష్ఠమ॒భి సం॒వఀసా॑నో॒ వైష్ణ॑వీం-లోఀ॒క ఇ॒హ మా॑దయంతామ్ ॥
ఓం కా॒త్యా॒య॒నాయ॑ వి॒ద్మహే॑ కన్యకు॒మారి॑ ధీమహి । తన్నో॑ దుర్గిః ప్రచో॒దయా᳚త్ ॥
ఓం శాంతిః॒ శాంతిః॒ శాంతిః॑ ॥
DURGA SUKTAM
Ōm ॥ Jā̠tavē̍dasē Sunavāma̠ Sōma̍ Marātīya̠tō Nida̍hāti̠ Vēda̍ḥ ।
Sa Na̍ḥ Par-ṣa̠dati̍ Du̠rgāṇi̠ Viśvā̍ Nā̠vēva̠ Sindhu̍-nduri̠tā-'tya̠gniḥ ॥
Tāma̠gniva̍rṇā̠-ntapa̍sā Jvala̠ntīṃ Vai̍rōcha̠nī-ṅka̍rmapha̠lēṣu̠ Juṣṭā̎m ।
Du̠rgā-ndē̠vīgṃ Śara̍ṇama̠ha-mprapa̍dyē Su̠tara̍si Tarasē̠ Nama̍ḥ ॥
Agnē̠ Tva-mpā̍rayā̠ Navyō̍ A̠smānthsva̠stibhi̠rati̍ Du̠rgāṇi̠ Viśvā̎ ।
Pūścha̍ Pṛ̠thvī Ba̍hu̠lā Na̍ U̠rvī Bhavā̍ Tō̠kāya̠ Tana̍yāya̠ Śaṃyōḥ ॥
Viśvā̍ni Nō Du̠rgahā̍ Jātavēda̠-ssindhu̠nna Nā̠vā Du̍ri̠tā-'ti̍par-ṣi ।
Agnē̍ Atri̠vanmana̍sā Gṛṇā̠nō̎-'smāka̍-mbōdhyavi̠tā Ta̠nūnā̎m ॥
Pṛ̠ta̠nā̠ Jita̠gṃ̠ Saha̍mānamu̠grama̠gnigṃ Hu̍vēma Para̠māthsa̠dhasthā̎t ।
Sa Na̍ḥ Par-ṣa̠dati̍ Du̠rgāṇi̠ Viśvā̠ Kṣāma̍ddē̠vō Ati̍ Duri̠tā-'tya̠gniḥ ॥
Pra̠tnōṣi̍ Ka̠mīḍyō̍ Adhva̠rēṣu̍ Sa̠nāchcha̠ Hōtā̠ Navya̍ścha̠ Satsi̍ ।
Svāñchā̎-'gnē Ta̠nuva̍-mpi̠praya̍svā̠smabhya̍-ñcha̠ Saubha̍ga̠māya̍jasva ॥
Gōbhi̠rjuṣṭa̍mayujō̠ Niṣi̍kta̠-ntavē̎mdra Viṣṇō̠ranu̠sañcha̍rēma ।
Nāka̍sya Pṛ̠ṣṭhama̠bhi Sa̠ṃvasā̍nō̠ Vaiṣṇa̍vīṃ Lō̠ka I̠ha Mā̍dayantām ॥
Ō-ṅkā̠tyā̠ya̠nāya̍ Vi̠dmahē̍ Kanyaku̠māri̍ Dhīmahi । Tannō̍ Durgiḥ Prachō̠dayā̎t ॥
Ōṃ Śānti̠-śśānti̠-śśānti̍ḥ ॥
Durga Suktam Telugu Pdf Download
Durga Suktam Pdf
Medha Suktam Telugu Pdf
Sri Suktam Telugu Pdf
Durga Suktam Telugu Lo
Sri Suktam Telugu
Durga Suktam Telugu Meaning
Durga Suktam Lyrics
Post a Comment